މޯދީގެ ދަތުރުފުޅާ ގުޅިގެން އެއާޕޯޓްގެ ފެރީ އާއި ޓެކްސީ މަޑުކުރާ ތަނަށް ބަދަލުގެެނެސްފި
7 ޖޫން 2019 | ހުކުރު 11:31ފެރީގެ ދަތުރުތައް ހަމަޖެހިފައި އޮތީ ފުޑްކޯޓް ކައިރީ އޮންނަ ޑިޕާޗާ ޖެޓީން
ވެލާނާ އިންޓަނޭޝަނަލް އެއާޕޯޓްގެ ފެރީތައް ގާތްކުރާ ސަރަހައްދު
އިންޑިއާގެ ބޮޑުވަޒީރު ނަރެންދްރަ މޯދީގެ ދަތުރުފުޅާ ގުޅިގެން ވެލާނާ އިންޓަނޭޝަނަލް އެއާޕޯޓްގައި ފެރީ އާއި ޓެކްސީ މަޑުކުރާ ތަނަށް ބަދަލުގެެނެސްފިއެވެ.
އެމްއޭސީއެލުން ބުނީ ހޮނިހިރު ދުވަހު މޯދީ ވަޑައިގަންނަވާތީ އެއާޕޯޓްގެ ފެރީ މަޑުކުރާ ތަނަށާއި ޓެކްސީތައް މަޑުކުރާ ތަނަށް ބަދަލު ގެނެސްފައިވާ ކަމަށެވެ. އެގޮތުން ހޮނިހިރު ދުވަހުގެ މެންދުރު 12:00 އިން 16:00 އަށް މާލެ އިން ހުޅުލެއަށް ކުރާ ފެރީގެ ދަތުރުތައް ހަމަޖެހިފައި އޮތީ ފުޑްކޯޓް ކައިރީ އޮންނަ ޑިޕާޗާ ޖެޓީން ކަމަށެވެ.
މީގެ އިތުރުން އެމްއޭސީއެލުން ބުނީ އެގަޑިތަކުގައި ޓެކްސީ ދަތުރުތައް ނަގަންޖެހޭނީ ވެސް ފައިބަން ޖެހޭނީ ވެސް މީގެ ކުރިން ޓެކްސީތަކުން މީހުން ފައިބާ ސަރަހައްދުން ކަމަށެވެ.
މޯދީ ރާއްޖެއަށް ކުރައްވާ މިދަތުރުފުޅާ ގުޅިގެން ހުޅުމާލޭއާ، މާލޭގެ ގްރީންޒޯން ހިމެނޭގޮތަށް ބޮޑު ސަރައްހައްދެއް ބަންކުރަން ވަނީ ނިންމާފައެވެ. އަދި ބައެއް ސަރައްހަދުގައި ވެހިކަލްތައް ޕާކުކުރުން ވެސް ވަނީ މަނާކޮށްފައެވެ.
