ޓެރަރިސްޓް ޖަމާއަތްތައް ޕްރޮމޯޓްކުރާ މައްސަލަތައް އަހަމިއްޔަތުކަން ދީގެން ބަލާނަން: ޕޮލިސް ކޮމިޝަނަރ
5 ޖޫން 2019 | ބުދަ 03:27އައްޑޫ ސިޓީގައި ޓެރަރިސްޓް ޖަމާއަތަކަށް ތާއީދުކޮށް ގްރެފިޓީތަކެއް ވަނީ ކުރަހާފައި
އައްޑޫގައި އައިއެސް އަށް ތާއީދުކޮށް ކުރަހާފައިވާ ގްރެފިޓީއެއް
ޓެރަރިސްޓް ޖަމާއަތްތައް ޕްރޮމޯޓްކުރާ ފަރާތްތަކުގެ މައްސަލަތައް އަހަމިއްޔަތުކަންދީގެން ބައްލަވާނެ ކަމަށް ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ޕޮލިސް ކޮމިޝަނަރ މިހެން ވިދާޅުވެފައި ވަނީ އައްޑޫ ސިޓީގައި ޓެރަރިސްޓް ޖަމާއަތަކަށް ތާއީދުކޮށްފައި ހުރި ގްރެފިޓީތަކާ ގުޅިގެން ކަމަށް ފުލުހުންގެ މުއައްސަސާ އިން މައުލޫމާތުދެއެވެ.
ޓެރަރިސްޓް ޖަމާއަތްތަކަށް ތާއީދުކޮށް، ޕްރޮމޯޓްކޮށް، އެ މީހުންގެ ފިކުރު ފެތުރުމާއި އަދި އިސްލާމްދީނަށް މަލާމަތްކޮށް ފުރައްސާރަކޮށް، ދިވެހިރާއްޖޭގައި އޮތް ދީނަށް މަލާމާތްކޮށް، ދީނީ އެއްބައިވަންތަކަން ނަގާލަން އުޅޭ ފަރާތްތަކާއި ހައްދުފަހަނަ އަޅާފައިވާ ހުރިހާ ފަރާތްތަކުން ފަތުރާ ނަފްރަތާއި އިންޓޮލަރެންސްގެ މައްސަލަތަކަށް ވަރަށް ބޮޑު އަހަމިއްޔަތުކަމެއް ދީގެން ފުލުހުން ބަލާނެ ކަމަށް ހަމީދު ވިދާޅުވިއެވެ.
އެފަދަ މައްސަލަތައް ހައްލު ކުރުމަށް ކުރަންޖެހޭ ކަންކަން ގުޅުން ހުރި ފަރާތްތަކާ އެކު ފުލުހުންގެ މުއައްސަސާ އިން މިހާރު ކުރަމުންދާ ކަމަށް ވެސް ހަމީދު ވަނީ ވިދާޅުވެފައެވެ.
