3 ކިލޯގެ މަސްތުވާތަކެތީގެ މައްސަލާގައި ހައްޔަރުކުރި ދެ މީހަކު ކޯޓުން ދޫކޮށްލައިފި
ހައްޔަރުކުރީ 25 އަހަރުގެ ދިވެހި ފިރިހެނަކާއި، 52 އަހަރު ދިވެހި އަންހެނެއް
ފުލުހުން އަތުލައިގަތް މަސްތުވާތަކެތި
ހުޅުމާލެގައި ފުލުހުން ކުރިއަށްގެންދިޔަ އޮޕަރޭޝަނެއްގައި 3 ކިލޯގެ މަސްތުވާތަކެއްޗާއެކު ހައްޔަރުކުރި ދެ މީހުން ކްރިމިނަލް ކޯޓަށް ހަޒިރުކުރުމުން ދޫކޮށްލައިފި އެވެ.
ފުލުހުން ބުނީ މަސްތުވާތަކެތީގެ ވިޔަފާރި ކުރުާކަމަށް ފުލުހުންގެ އިންޓަލިޖެންސަށް ލިބުނު މައުލޫމާތަކާއި ގުޅިގެން ހޯމަ ދުވަހުގެރޭ 03:10 ހާއިރު ހިންގި އޮޕަރޭޝަނެއްގައި ކޯޓު އަމުރެއްގެ ދަސުން ހުޅުމާލޭގެ ގެއެއް ބަލާ ފާސްކޮށް 3 ކިލޯގެ މަސްތުވާތަކެއްޗާއެކު ދެ މީހަކު ހައްޔަރުކުރިކަމަށެވެ. އެ މައްސަލާގައި ހައްޔަރުކުރީ 25 އަހަރުގެ ދިވެހި ފިރިހެނަކާއި، 52 އަހަރު ދިވެހި އަންހެނެއްކަމަށް ފުލުހުން ބުންޏެވެ.
ފުލުހުން ބުނީ އެ އޮޕަރޭޝަންގައި ބަލާފާސްކޮށް، ދެ މީހުންވެސް ހައްޔަރުކުރީ ހުޅުމަލެ ކޯޓުގެ އަމުރުގެ ދަށުން ކަމަށެވެ.
އެއަށްފަހު މައްސަލާގައި ހައްޔަރުކުރި ދެ މީހުންގެ ބަންދުގެ މުއްދަތުޖެހުމަށް ދެ މީހުން ކްރިމިނަލް ކޯޓަށް ހާޒިރުކުރިމުން، ބަންދުގެ މުއްދަތު ނުދީ، ކޯޓުން ދދެ މީހުންވެސް ދޫކޮށްލަފައިވާކަމަށް ފުލުހުން ބުންޏެވެ.
މަސްތުވާތަކެއްޗާއި ދެކޮޅަށް ފުލުހުން ހިންގާ އޮޕަރޭޝަންތަކުގައި ބޮޑެތި ކުރިއެރުންތަކެއް ދަނީ ހޯދަމުންނެވެ. އެގޮތުން ނިމުނު ދެ މަސް ދުވަހުގެ ތެރޭގައިވެސް އެ ވިޔަފާރިކުރާ ގިނަ އަދަދެއްގެ ފަރާތްތަކެއް އަތުލައިގަނެ، ގިނަ އަދަދެއްގެ މަސްތުވާތަކެތި ފުލުހުންގެ ބެލުމުގެ ދަށަށް ގެނެސްފައިވެއެވެ. ނަމަވެސް އެ މައްސަލަތަކުގައި ހައްޔަރުކުރާ ގިނަ މީހުން ކޯޓުން ދޫކޮށްލަމުންގެންދާކަން ފާހަގަކޮށްލެވެއެވެ.
