މާދަމާއަކީ ފިތުރު ޢީދު ދުވަސްކަމުގައި އިސްލާމިކް މިނިސްޓްރީން ކަނޑަ އަޅައިފި
3 ޖޫން 2019 | ހޯމަ 17:09އިސްލާމީ ގިނަ ގައުމުތަކަށް މާދަމާއަކީ ޢީދު
މާދަމާއަކީ ފިތުރު ޢީދު ދުވަސް
މި އަހަރުގެ ފިތުރު ޢީދު ދުވަހަކީ މާދަމާ ކަމުގައި މިނިސްޓްރީ އޮފް އިސްލާމީކް އެފެއާޒުން ކަނޑަ އަޅައިފިއެވެ.
ސާދަސަތޭކަ ސާޅީސް ވަނަ އަހަރުގެ ޝައްވާލު މަހުގެ ހަނދާ ބެހޭ ގޮތުން ބޭއްވި ބައްދަލު ވުމަށް ފަހު އިއްވެވި ހަނދާ ބެހޭ ބަޔާނުގައި ބުނެފައި ވަނީ ދިވެހިރާއްޖޭގެ ބައެއް ސަރަހައްދުތަކަށާ އިސްލާމީ ބައެއް ގައުމުތަކަށް މިރޭ ޝައްވާލު މަހުގެ ހަނދު ސާބިތުވެއްޖެ ކަމުގެ ރަސްމީ ޚަބަރު ލިބިފައިވާތީ ޖޫން މަހުގެ 4 ވާ އަންގާރަ ދުވަހަކީ ހިޖުރީ ސަނަތުން 1440 ވަނަ އަހަރުގެ ޝައްވާލު މަހުގެ 1 ވަނަ ދުވަސް ކަމުގަޔާއި އެ ދުވަހަކީ މި އަހަރުގެ ފިތުރު ޢީދު ދުވަސް ކަމުގައި ވަނީ ކަނޑައަޅާފައެވެ.
މި މުނާސަބަތުގައި ރައީސުލް ޖުމްހޫރިއްޔާއަށާއި ރާއްޖޭގެ ހުރިހާ ރައްޔިތުނަށާއި އިސްލާމީ ގައުމުތަކުގެ މީހުންނަށް ޢީދު ދުވަހުގެ ތަހުނިޔާ އިސްލާމިކް މިނިސްޓްރީން ވަނީ ފޮނުވާފައެވެ.
