ރާއްޖެ
އައްޑޫ ސިޓީ
ހިތަދޫގެ ފިހާރައެއް ފަޅާލައި ތިޖޫރި ވަގަށް ނަގައިފި
ވަގަށް ނެގީ ތިޖޫރީގައި 1،200 ޑޮލަރާއި 27،704 ރުފިޔާ ހުރި
ތަހާރަތު މުހައްމަދު ވަހީދު, ރާއްޖެ އެމްވީ | 31 މެއި 2019 | ހުކުރު 09:50
ހިތަދޫގެ ފިހާރައެއް ފަޅާލައި ނެގި ތިޖޫރި ވަލުތެރެއަށް އެއްލާލާފައި
އައްޑޫ ސިޓީގެ ހިތަދޫ ފިހާރައެއް ފަޅާލައި، އެ ފިހާރައިގެ އޮފީސް ތެރޭގައި ހުރި ތިޖޫރި ވަގަށް ނަގައިފިއެވެ.
ހިތަދޫގައި ހުންނަ އެޕޯލޯ ނަމަކަށް ކިޔާ ފިހާރައިގެ ތަޅު ހަލާކު ކޮށްލައިގެން ވަދެ ތިޖޫރި ވަގަށް ނެގިކަމަށް ފުލުހުންނަށް ރިޕޯޓު ކޮށްފައިވަނީ ހުކުރު ދުވަހުގެ ހެނދުނު 6:22 ހާއިރު އެވެ.
ވަގަށް ނެގީ ތިޖޫރީގައި 1،200 ޑޮލަރާއި 27،704 ރުފިޔާ ހުރި ކަމަށް ފުލުހުން ބުންޏެވެ. އެ ތިޖޫރީ ފުލުހުން ވަނީ ހޯދާފައެވެ. ނަމަވެސް ފައިސާތައް އަދި ފެނިފައި ނުވާކަމަށް ފުލުހުން ބުނެއެވެ.
މި މައްސަލަ ތަހްގީގުކުރަމުން ދާއިރު، މައްސަލައާ ގުޅިގެން އަދި އެއްވެސް މީހަކު ހައްޔަރު ނުކުރެ އެވެ.
