ހުޅުމާލޭގައި ގަން ހިންގުވި ފިރިހެން މީހާގެ ބަންދަށް 12 ދުވަސް ޖަހައިފި
27 މެއި 2019 | ހޯމަ 08:13ހައްޔަރު ކޮށްފައިވަނީ ހޮނިހިރު ދުވަހުގެރޭ
ޝަހީދު އާދަމް ބިލްޑިން
ހުޅުމާލޭގައި ކުޑަ ދެ ފިރިހެން ކުއްޖަކަށް ޖިންސީ ގޯނާކުރި ކަމަށް ތުހުމަތުގައި ހައްޔަރު ކުރި އުމުރުން 19 އަހަރުގެ މީހާގެ ބަންދަށް 12 ދުވަސް ޖަހައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، ހުޅުމާލޭ މެޖިސްޓްރޭޓް ކޯޓުން އޭނާގެ ބަންދަށް 12 ދުވަސް ޖަހާފައިވާ ކަމަށެވެ. ކޯޓު އަމުރުގެ ދަށުން އޭނާ ހައްޔަރު ކޮށްފައި ވަނީ ހޮނިހިރު ދުވަހުގެ ދަންވަރު 02:48 ހާއިރުއެވެ. ކުޑަ ދެ ކުދިންނަށް ޖިންސީ ގޯނާ ކުރި ކަމުގެ މައްސަލަ ޖެންޑާ މިނިސްޓްރީގެ ސަމާލު ކަމަށް އައިސްފައިވާ ކަމަށް އެ މިނިސްޓްރީން ވަނީ ބުނެފައެެވެ.
މި ފަހަކަށް އައިސް ކުޑަކުދިންނަށް ކުރާ ޖިންސީ ގޯނާތައް ވަނީ އިތުރުވެފައެެވެ. އެގޮތުން ނިމިގެން ދިޔަ އޭޕްރީލް މަހު ކުޑަ ކުދިންނަށް ޖިންސީ ގޯނާ ކޮށްގެން 22 މައްސަލައެއް ވަނީ ހުށައަޅާފައެވެ.
ޝޯޝަލް މީޑީއާގައި އާއްމުވި އެ މީހާގެ ވީޑިއޯ އިން ފެންނަނީ ބަޔަކު އެ މީހާ ބޮކްސާ ކޮޅުގައި ގަންހިންގުވަނިކޮށެވެ. އެ މީހުން އޭނާ ގަންހިންގުވާފައިވާއިރު، ފުލުހުންނަށް ހުށައެޅޭ މައްސަލަތަކުގައި އާއްމުން އަމިއްލަ ގޮތް ނުނިންމުމަށް ފުލުހުން ވަނީ އިލްތިމާސްކޮށްފައެވެ.
ފުލުހުން ބުނީ، މި ފަހުން ފުލުހަށް ހުށައެޅޭ މައްސަލަތަކުގައި ރައްޔިތުން ގޮތް ނިންމުމަށް މަސައްކަތް ކުރާ ކަމަށް ފާހަގަ ކުރެވިފައިވާ ކަމަށެވެ.
