ހޯމަ 06 އޭޕުރިލް 2020
12 ރޭވަ
1441 ޝައުބާން 13
ފަތިސް 04:50
އިރުއަރާ 06:02
މެންދުރު 12:13
އަސްރު 15:15
މަޣްރިބް 18:16
އިޝާ 19:27
ދުނިޔެ - އަފްޣާނިސްތާން

ތޯލިބާނުންގެ އިސް ކޮމާންޑަރަކު މަރާލައިފި

  • އޭނާ މަރާލީ ޑްރޯން ހަމަލާއެއްގައި

އަހުމަދު މުހުސިނު
dhonbandaara

ކ. މާލެ | 28 ފެބްރުއަރީ 2017 | އަންގާރަ 00:20 | 2,278

މުއްލާ ޢަބްދުލް ސަލާމް: މަރާލީ ޑްރޯން ހަމަލާއެއްގައި - ގޫގުލް

އަފްޣާނިސްތާނުގައި ހަރަކާތްތެރިވާ ތޯލިބާނުންގެ އިސް ކޮމާންޑަރަކު މަރާލައިފިއެވެ.

ވައިގެ ހަމަލާއެއްގައި މަރާލި ކޮމާންޑަރަކީ އަފްޣާން ސިފައިން މީގެ ކުރިންވެސް އެތައް ފަހަރަކު މަރާލާފައިވާކަމަށް ބުނެފައިވާ މުއްލާ ޢަބްދުލް ސަލާމް އަޚުންދުއެވެ.

ތޯލިބާންގެ ތަރުޖަމާން ޒަބީހުﷲ މުޖާހިދުވެސް ވަނީ އަޚުންދު މަރުވެފައިވާކަން ކަށަވަރުކޮށްދީފައެވެ. އަދި އެއީ އެމެރިކާއިން ދިން ހަމަލާއެއްކަމަށްވެސް ވަނީ ބުނެފައެވެ.

އަޚުންދުއަކީ މީހަކާ ނުލައި އުދުއްސާ ފަލައިޓެއް ބޭނުންކޮށްގެން ޚުންދުސް ޕްރޮވިންސްގައި މަރާލި ތިން މީހުންގެ ތެރެއިން އެކަކެވެ.

"ދަތުރަކަށްފަހު އޭނާ ހުރީ ގޭގައި މަޑުކޮށްލައިގެން. ޑްރޯންއެއް ބޭނުން ކޮށްގެން ދިން ހަމަލާއެއްގައި އޭނާ މަރާލީ" އޮފިޝަލަކު ވިދާޅުވިއެވެ.

އުތުރު އަފްޣާނިސްތާންގެ ސީނިއަރ ޕޮލިސް ކޮމާންޑަރަކު ވިދާޅުވީ އަޚުންދުންގެ އިތުރުން ތޯލިބާނުގެ އިތުރު 8 މީހަކުވެސް މަރާލެވިފައިވާކަމަށެވެ.

އެމެރިކާގެ މިލިޓްރީ ތަރުޖަމާން ވިދާޅުވީ އެމެރިކާގެ ބޮން އެޅޭ ޖެޓެއް އެސިޓީގައި ހަރަކާތްތެރިވެފައިވާނޭ ކަމަށެވެ. އެކަމަކު އެއޮޕަރޭޝަން ކާމިޔާބުވިކަމަކަށް ވިދާޅުވެފައެއް ނުވެއެވެ.

ތޯލިބާނުން ދަނީ ހެލްމަންދް އަދު އުރުޒްގާން ސަރަހައްދުގައި އެމީހުންގެ ހަރަކާތްތައް ވަރުގަދަ ކުރަމުންނެވެ. އެމީހުން ބުނާ ގޮތުގައި އަފްޣާން ސަރުކާރުގެ ބާރު އެސަރަހައްދުގެ ވެރިރަށަށް ކުޑަވަމުން އަންނަ ކަމަށާއި ތޯލިބާނުންގެ ހަރަކާތްތައް އިތުރު ކުރަމުން އަންނަ ކަމަށެވެ.

ތޯލިބާނުން ބުނީ އެމީހުންގެ އަމާޒަކީ އެޤައުމުގައި ތިބޭ ބޭރު ސިފައިންގެ ފައުޖުތަކާއި އެމީހުންގެ ބާރު ހިންގާ އަފްޣާން ސަރުކާރު ކަމަށެވެ. އަދި އާދައިގެ އަފްޣާން ރައްޔިތުންނަށް ހަމަލާ ނުދޭނެ ކަމަށްވެސް ބުނެފައިވެއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.