ޓީޓީއެމްގައި 2000 އަށް ވުރެ ގިނަ ޑެލިގޭޓުން ބައިވެރިވާނެ ކަމަށް ލަފާކުރެވޭ!
މި ފެއަރ ކުރިއަށްދާނީ ޖޫން މަހުގެ 11 ވަނަ ދުވަހުން 13 ވަނަ ދުވަހަށް
ޓީޓީއެމް 2018 ވަނަ އަހަރުގެ ފެއަރގެ ތެރެއިން
ޓްރެވަލް ޓްރޭޑް މޯލްޑިވްސް ފެއަރގައި 2000 އަށް ވެރެ ގިނަ ޑެލިގޭޓުން ރިސޯޓުތަކުން ބައިވެރިވާނެ ކަމަށް ލަފާކުރެވޭ ކަމަށް އޮރކާ މީޑިއާގެ ގްރޫޕް ފަރާތުން ބުނެފިއެވެ.
މި ފެއަރ ކުރިއަށްދާނީ ޖޫން މަހުގެ 11 ވަނަ ދުވަހުން 13 ވަނަ ދުވަހަށެވެ.
ރާއްޖެއެމްވީއަށް މައުލޫމާތު ދެއްވަމުން އޯރކާގެ ޕީއާރް އެންޑް މާކެޓިންގ މެނޭޖަރު އަހްމަދު ނާސިރު ބުނެފައި ވަނީ 100 އަށް ވުރެ ގިނަ ރިސޯޓު ބައިވެރިވެފައިވާއިރު 30 އަށް ވުރެ ގިނަ ސަޕްލަޔަރުން ޓީޓީއެމްގައި ބައިވެރިވެފައިވާ ކަމަށެވެ.
އަހްމަދު ނާސިރު އިތުރަށް ވިދާޅުވީ ޖޫން 12 ވަނަ ދުވަހު ޕްރީ ޝެޑިއުލް ބައްދަލުވުންތަކާއި ސަޕްލަޔަރ އެކްސްޕޯ ކުރިއަށްދާނީ ދަރުބާރު ގޭގައި ކަމަށާއި 13 ވަނަ ދުވަހު މުޅި އިވެންޓް އެއްކޮށް ނިންމާލުމަށް ފަހު ގާލާ ނައިޓް އަދާރަން ހުދު ރަންފުށީ ރިސޯޓުގައި ކުރިއަށްދާނެ ކަމަށެވެ.
ފާއިތުވި ދެ އަހަރު ވެސް ޓީޓީއެމް ވެފައި ވަނީ ޓްރެވެލް ޓްރޭޑް ކޮމިއުނިޓީގައި އަދި މި ދާއިރާގެ ތަޖްރިބާކާރުން އެއް ތަނަކުން ބައްދަލުކޮށްލަން ލިބިފައިވާ ރަނގަޅު ފުރުސަތަކަށެވެ.
ޓީޓީއެމްގެ އަމާޒަކީ 2020 ވަނަ އަހަރުގެ ނިޔަލަށް ރާއްޖެއަށް އަންނަ ފަތުރުވެރިންގެ ނިސްބަތް ދެ މިލިއަނަށް ހެދުމެވެ.
މިއީ ޓީޓީއެމް ބާއްވާ ތިން ވަނަ ފަހަރެވެ.
