އެމްޕީއެލްގެ އިސް ތިން މަގާމެއް އުވާލައިފި

މޯލްޑިވްސް ޕޯޓްސް ލިމިޑެޓް (އެމްޕީއެލް) ގެ އިސް ތިން މަގާމެއް އުވާލަން އެ ކުުންފުނިން ނިންމައިފިއެވެ.

އެމްޕީއެލްއިން އުވާލާފައިވާ މަގާމުތަކަކީ އެސިސްޓެންޓް ސީއީއޯގެ މަގާމާއި ސެކިއުރިޓީ ޑިޕާޓްމަންޓްގެ ހެޑަކަށް ހުރި އެސިސްޓެންޓް ޖެނެރަލް މެނޭޖަރުގެ މަގާމާއި ޕްރޮކިއުމެންޓް ހެޑްގެ މަގާމެވެ.

އެ މަގާމުތައް އުވާލަން އެމްޕީއެލްގެ ބޯޑުން ނިންމީ، ކުންފުނީގެ ހިންގުން ހަރުދަނާ ކުރުމަށް ކުރަމުންދާ މަސައްކަތުގެ ތެރެއިންނެވެ. ހޯމަ ދުވަހުން ފެށިގެން އުވާލާފައިވާ މަގާމުތައް އުވާލުމުގެ މަސައްކަތް ކުރަމުންދާތާ މަހަކަށް ވުރެ ގިނަ ދުވަސްވެފައިވެއެވެ.

މި މަގާމުތަކުގެ ބަދަލުގައި އިތުރު މަގާމެއް އުފައްދާފައި ނުވި ނަމަވެސް، އުވާލި މަގާމުތަކުގެ މަސްއޫލިއްޔަތާއި އެކު އެގްޒެކެޓިވް ޑިރެކްޓަރެއްގެ މަގާމު މީގެ ކުރިން އުފައްދާފައިވާ ކަމަށް އެމްޕީއެލްއިން ހާމަކޮށްފައިވެއެވެ.