ބޯޓަކާއި ދޯންޏެއް އެކްސިޑެންޓްވެ މުދާތަކަށް ގެއްލުންވެއްޖެ
މި އެކްސިޑެންޓްގައި އެއްވެސް މީހަކަށް ގެއްލުމެއް ލިބިފައެއް ނުވޭ
މާލެ ދަތުރުކުރާ ބޯޓެއް
މާލޭ ކޮމާޝިއަލް ބަނދަރު އުތުރު ފަރާތު ނެރާއިދިމާ ކަނޑުމަތިން ބޯޓަކާއި ދޯންޏެއް އެކްސިޑެންޓް ވެއްޖެއެވެ.
ފުލުހުން ބުނީ މި ހާދިސާގެ ރިޕޯޓް ފުލުހުން ރިޕޯޓްކޮށްފައި ވަނީ ބުދަ ދުވަހުގެ މެންދުރު 13:00 ހާއިރު ކަމަށެވެ.
މި އެކްސިޑެންޓް ހިނގަން މެދުވެރިވީ މާލޭ ނޯތް ހާބަރުން ނުކުތް ބޯޓް ވިލިމާލެ އާއި ދިމާއަށް ދަތުރު ކުރަމުންދަނިކޮށް ކޮމާޝިއަލް ހާރބާއިން ފިލާ ބަރުކޮށްގެން ނުކުތް ދޯނި، އެ ބޯޓުގެ ވާތްފަރާތު ފަހަތު ކަނުގައި ޖެހުމުގެ ސަބަބުން ކަމަށް ފުލުހުން މައުލޫމާތު ދެއެވެ.
މި އެކްސިޑެންޓްގައި ދެ އުޅަނދަށް ވެސް އެކިވަރުގެ ގެއްލުން ލިބިފައި ވުމުގެ އިތުރުން ބޯޓުގައި ހުރި ބައެއް މުދަލަށް ވަނީ ގެއްލުން ވެފައެވެ.
މި އެކްސިޑެންޓްގައި އެއްވެސް މީހަކަށް ގެއްލުމެއް ލިބިފައި ނުވާކަމަށް ފުލުހުން މައުލޫމާތު ދެއެވެ.
އަދި ދެ އުޅަނދު ދުއްވި ދެމީހުން އަތުގައި ވެސް ކަނޑުގައި އުޅަނދު ދުއްވުމުގެ ލައިސެންސް އޮންނަ ކަމަށް ފުލުހުން ބުންޏެވެ.
މި އެކްސިޑެންޓްގައި ދޯނި ދުއްވި މީހާގެ އިހުމާލް އޮތްކަމަށް ބެލެވޭތީ އޭނާގެ ލައިސެންސް ވަނީ ހިފެހެއްޓިފައި ކަމަށް ފުލުހުން ބުންޏެވެ.
