ހޯމަ 27 މެއި 2019
08 ރޯނު
1440 ރަމަޟާން 22
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ދުނިޔެ - އެބޯޝަން

އަލަބަމާގައި އެބޯޝަން މަނާކުރާ ގާނޫނު ފާސްކޮށްފި

  • މިއީ އެމެރިކާގައި ފާސްކުރި މިބާވަތުގެ އެންމެ ހަރުކަށި ގާނޫނު

އަބުދުﷲ މުހައްމަދު
8Abbo

ކ. މާލެ 15 މެއި 2019 | ބުދަ 12:52 2,852

ރޭޕްގެ ޝިކާރައަަށްވާ މީހަކަށް ވެސް އެބޯޝަން ނުހެއްދޭނެ - ރައީސް އޮފީސް

އަލަބަމާގައި އެބޯޝަން މަނާކުރުމަށް އެ ސްޓޭޓްގެ ގާނޫނުހަދާ މަޖިލީހުން ފާސްކޮށްފިއެވެ.

މިއީ އެމެރިކާގައި ފާސްކުރި މިބާވަތުގެ އެންމެ ހަރުކަށި ގާނޫނެވެ.

އެ ސްޓޭޓްގެ ގާނޫނުހަދާ މަޖިލީހުން ބިލް ފާސްްކުރީ ބިލުގައި ހިމެނި އިސްތިސްނާ ހާލަތްތައް ކަމަށްވާ، ރޭޕްގެ ޝިކާރައަކަށް ވާ މީހުންނާއި ކައިވެނީގެ ގުޅުން މަނާވާ މިންވަރަށް އާއިލީ ގޮތުން ގާތްކަން ހުރި މީހަކަށް ބަލިވެ އިނދެ ވިހެއުން ފަދަ ހާލަތްތައް ވެސް ނުހިމަނައެވެ.

މި ބިލް ދެން އަރާނީ ރިޕަބްލިކަން ޕާޓީއަށް ނިސްބަތްވެ ވަޑައިގަންނަވާ ގަވަރނަރ ކޭ އައިވީގެ އަތްޕުޅަށެވެ. އެ ކަމަނާ ބިލް ތަސްދީގު ކުރައްވާނެކަން ނުވަތަ ނޫންކަން ހާމަކުރައްވާފައި ނުވާއިރު އެ ކަމަނާއަކީ އެބޯޝަންއާ ދެކޮޅު ހައްދަވާ ބޭފުޅެކެވެ.

އެކްޓިވިސްޓުން ދެކޭ ގޮތުގައި މި ބިލްވެގެންދާނީ 1973 ވަނަ އަހަރު އެބޯޝަން ހުއްދަކޮށް ސުޕްރީމް ކޯޓުން ނިންމި ތާރީޚީ ނިންމުމަށް ގޮންޖަހާނެ ނިންމުމަކަށެވެ.

އަލަބަމާގެ ހައުސް އޮފް ރެޕްރެޒެންޓޭޓިވްސްއިން މި ބިލް މަހުގެ ކުރީކޮޅު ފާސްކޮށްފައި ވަނީ 74 ވޯޓުންނެވެ. ދެކޮޅަށް ވޯޓް ދީފައި ވަނީ ތިން މެމްބަރުންނެވެ.

އެބޯޝަން ހުއްދަ ކުރެވޭނީ ޚާއްސަ ހާލަތްތަކެއްގައި މައިމީހާގެ ފުރާނަ ސަލާމަތްކުރުމަށެވެ.

ނޭޝަނަލް އޯގަނައިޒޭޝަން ފޮރ ވިމެން އިން ބުނެފައިވަނީ މި ނިންމުމަކީ ގާނޫނުއަސާސީއާ ޚިލާފު ނިންމުމެއް ކަމަށާއި މިއީ ކުރިޔަށް އޮތް އިންތިޚާބަށް އެބޯޝަނާ ދެކޮޅު ކެންޑިޑޭޓުން ތާއީދު ހޯދުމަށް ސިޔާސީ ގޮތުން ކޮށްފައިވާ ކަމެއްކަން ސާފުކޮށް އެނގޭ ކަމަށެވެ.

 

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް