ހޯމަ 27 މެއި 2019
08 ރޯނު
1440 ރަމަޟާން 22
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ދުނިޔެ - ލަންކާ މުސްލިމުންނަށް ދޭ ހަމަލާތައް

ލަންކާ މުސްލިމުންނަށް ދޭ ހަމަލާތައް: 74 މީހަކު ހައްޔަރު ކޮށްފި

  • 33 މީހެއްގެ ބަންދުގެ މުއްދަތު ވަނީ ޖަހާފައި
  • ހައްޔަރު ކުރީ ހަރުކަށި ބުޑިސްޓުންތަކެއް

އަލީ ސަމާޚް
AliSamah8

ކ. މާލެ 15 މެއި 2019 | ބުދަ 09:48 2,785

މިނުވަންގޮޑާ ސަރަހައްދުގައި ހުރި ފިހާރައެއް އަންދާލާފައި - ސަން

ސްރީލަންކާގެ މުސްލިމުންނަށް އަމާޒުކޮށް ހަމަލާ ދިން ކަމުގެ ތުހުމަތުގައި 74 މީހަކު ހައްޔަރު ކޮށްފިއެވެ.

ހޯމަ ދުވަހުން ފެށިގެން ސްރީލަންކާގެ މުސްލިމުންނާ އަމާޒުކޮށް ދެމުންދާ ހަމަލާތަކުގެ ތެރެއިން، އުމުރުން 45 އަހަރުގެ މުސްލިމް ވިޔަފާރިވެރިއަކަށް ތޫނު އެއްޗަކުން ހަމަލާދީ ވަނީ މަރާލާފައެވެ. އެ ހަމާލާތައް އިތުރަށް ގޯސްވިޔަ ނުދިނުމަށް ބައެއް ސަރަހައްދުތަކުގައި ކާފިޔު އިއުލާންކޮށް ސޯޝަލް މީޑިއާ ބޭނުން ކުރުން ވަނީ މަނާ ކޮށްފައެވެ.

ފުލުހުން ބުނީ، ވެސްޓަން ޕްރޮވިންސްގެ މިނުވަންގޮޑާ އާއި އުތުރު ވެސްޓަން ޕްރޮވިންސްގައި ހިނގި ހަމަނުޖެހުންތަކާ ގުޅިގެން 74 މީހަކު ހައްޔަރުކޮށް 33 މީހަކުގެ ބަންދުގެ މުއްދަތު ޖަހާފައިވާ ކަމަށެވެ. ހައްޔަރު ކުރި އެންމެންނަކީ ވެސް ހައްދުފަހަނަ އަޅާފައިވާ ބުޑިސްޓުންނެވެ. 

މިނުވަންގޮޑަގައި ހިނގި ހަމަނުޖެހުންތަކުގައި ބައެއް ފިހާރަތަކުގެ އިތުރުން މިސްކިތަކަށް ވަނީ ގެއްލުން ދީފައެވެ. އެ ސަރަހައްދުގައި މުސްލިމުން ހިންގަމުންދާ ޕާސްތާ ފެކްޓްރީގައި ވަނީ ރޯކޮށްލާފައެވެ.

އެސަރަހައްދުގައި އުޅޭ މީހުން ބުނީ، އެމީހުންގެ ފިހާރަތަކަށް ގެއްލުން ދީފައިވަނީ ޕެޓްރޯލް ބޮން ބޭނުންކޮށްގެން ކަމަށެވެ. ރޭގައި މުޅި ލަންކާގައި ވަނީ ކާރފިޔު އިއުލާން ކޮށްފައެވެ.

އޭޕްރީލް މަހުގެ 21 ވަނަ ދުވަހު އީސާއީ ދީނުގެ ތިން ފައްޅިއަކަށާއި މަތީ ފަންތީގެ ތިން ހޮޓަލަކަށް ހަމަލާދީ 250 އަށް ވުރެ ގިނަ މީހުން މަރާލި ހާދިސާއަށް ފަހު އެ ގައުމުގައި ހަމަނުޖެހުން ވަނީ ބޮޑުވެފައެވެ.

 

 

އެންމެ ފަހުން އަޕްޑޭޓް ކުރީ: 6 ދުވަަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް