މ. އަތޮޅު ކަައުންސިލްތަކުން ހޯމް މިނިސްޓަރާ ބައްދަލުކުރައްވައިފި
13 މެއި 2019 | ހޯމަ 09:39ރަށު ކައުންސިލް މެމްބަރުންނާއި އަތޮޅު ކައުންސިލްގެ މެމްބަރުން ވަނީ މި ބައްދަލުކުރެއްވުމުގައި ބައިވެރިވެވަޑައިގެންފައި
މ. އަތޮޅު ކައުންސިލާ އެކު ހޯމް މިނިސްޓަރ ބޭއްވި ބައްދަލުކުރެއްވުމުގެ ތެރެއިން
މ. އަތޮޅުގެ ރަށްތަކަށް މެދުވެރިވެފައިވާ ދަތިތައް ހައްލު ކުރުމުގެ ގޮތުން މ. އަތޮޅުގެ އަތޮޅު ކަައުންސިލާއި ކައުންސިލްތަކުން ހޯމް މިނިސްޓަރ އިމްރާން އަބްދުﷲ އާއި ބައްދަލުކުރައްވައިފިއެވެ.
މި ބައްދަލުކުރެއްވުމުގައި ވަނީ މ. އަތޮޅުގެ ރަށްތަކަށް މެދުވެރިވެފައި ހުރި ބައެއް ދަތިތަކާއި އެކަން ހައްލުކުރެވޭނެ ގޮތްތަކާ ގުޅޭ ގޮތުން މަޝްވަރާކުރައްވާފައެވެ.
ރަށު ކައުންސިލް މެމްބަރުންނާއި އަތޮޅު ކައުންސިލްގެ މެމްބަރުން ވަނީ މި ބައްދަލުކުރެއްވުމުގައި ބައިވެރިވެވަޑައިގެންފައެވެ.
މި ބައްދަލުކުރެއްވުމުގައި ބައިވެރިވި ކައުންސިލަރުން ވަނީ އަތޮޅު ކައުންސިލާއި، ކައުންސިލްތައް ހިންގުމާއި، ހިދްމަތް ދިނުމުގައި ހުރި ދަތިތައް ހިއްސާކުރައްވާ މަޝްވަރާކުރައްވާފައެވެ.
މ. އަތޮޅު ކައުންސިލްތަކުން ހޯމް މިނިސްޓަރާ އެކު ބޭއްވި ބައްދަލުކުރެއްވުމުގެ ތެރެއިން
ކައުންސިލްތަކުން ވަނީ އެ ރަށްރަށުގައި ފުލުހުންގެ ދައުރު ވީހާ ވެސް ބޮޑަށް ހަރުދަނާކޮށް ދިނުމަށް ހޯމް މިނިސްޓަރ އަރިހުގައި އެދިފައެވެ. ރައްޔިތުން ހޭލުންތެރި ކުރުމުގެ ޕްރޮގްރާމްތައް ފުލުހުން މެދުވެރިކޮށް ރައްޔިތުންނަށް ހިންގައިދިނުމަށް ކައުންސިލްތަކުން ވަނީ މިނިސްޓަރ އަރިހުގައި އެދިވަޑައިގެންފައެވެ.
ކައުންސިލްތައް ބާރުވެރިކުރުވުމުގެ ފުރިހަމަ އެއްބާރުލުން ދެއްވާނެ ކަމަށާއި، ކައުންސިލްތަކަށް އެހީތެރިކަން ދެއްވާނެ ކަމަށް މިނިސްޓަރ ވަނީ މި ބައްދަލުކުރެއްވުމުގައި ވިދާޅުވެފައެވެ.
