މަރުވި ޔޫކްރެއިންގެ މީހާގެ ހަށިގަނޑު މިއަދު ގައުމަށް ފޮނުވާލަނީ
13 މެއި 2019 | ހޯމަ 07:42ހަށިގަނޑު ފޮނުވާލުމުގެ ހުރިހާ ޚަރަދެއް ކުރަނީ އެމްޓީސީސީއިން
ތަހާރަތު މުހައްމަދު ވަހީދު | 13 މެއި 2019 | ހޯމަ 07:42
އެމްޓީސީގެ ބަސް
މި މަހުގެ 6 ވަނަ ދުވަހު ހުޅުމާލޭގައި އެކްސިޑެންޓްވެ މަރުވި ޔޫކްރެއިންގެ އަންހެން މީހާގެ ހަށިގަނޑު އޭނާގެ ގައުމަށް ހޯމަ ދުވަހު (މިއަދު) ފޮނުވާލާނެ ކަމަށް ފުލުހުން ބުނެފިއެވެ.
ފުލުހުން ބުނީ އެމްޓީސީސީ އާއި ފުލުހުން ގުޅިގެން އަންހެން މީހާގެ ހަށިގަނޑު ހޯމަ ދުވަހު ފޮނުވާލާނެ ކަމަށެވެ.
ހަށިގަނޑު ފޮނުވާލުމުގެ ހުރިހާ ޚަރަދެއް ކުރަނީ އެމްޓީސީސީ އިންނެވެ.
ހުޅުމާލޭ ފިތުރޯނުމަގު ފިއުލްސަޕްލައި ސްޓޭޝަން ކައިރީ ހިނގި އެކްސިޑެންޓްގައި ޔޫކްރެއިންގެ އަންހެން މީހާ މަރުވެފައިވަނީ ހެނދުނު ޖޮގިންއަށް ނުކުމެ އުޅެނިކޮށް އޭނާގެ ގައިގައި ބަސް ޖެހި ބަހުގެ ދަށުވެގެންނެވެ.
މި އެކްސިޑެންޓާ ގުޅިގެން ފިރިހެން މީހާ ވަނީ ހައްޔަރު ކޮށްފައެވެ.
