މޫކައި ސުއިޓްސްގައި އަލިފާން ރޯވީ ކޭބަލް ތަކެއްގައި
7 މެއި 2019 | އަންގާރަ 19:22މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވޭ
މޫކައި ސުއިޓްސްގައި އަލިފާނުގެ ހާދިސާއެއް ހިނގައިގެން ހަރަކާތްތެރިވަނީ
މޫކައި ސުއިޓްސްގައި އަންގާރަ ދުވަހުގެ ރޭ އަލިފާން ރޯވެފައިވަނީ ފުރަތަމަ ފަންގިފިލާގައި ހުރި ކޭބަލްތަކެއްގައި ކަމަށް އެމްއެންޑީއެފުން ބުނެފިއެވެ.
މި ހާދިސާގެ މަޢުލޫމާތު އެމްއެންޑީއެފަށް ލިބިފައި ވަނީ އަންގާރަ ދުވަހުގެ ރޭ 9:34 ހާއިރު ކަމަށާއި އެމްއެންޑީއެފް ފަޔަރ އެންޑް ރެސްކިއު ސަރވިސްގެ ފަޔަރމަނުން ކުރި މަސައްކަތުން އެ އިމާރާތުގައި ރޯވި އަލިފާން ނިއްވާލާފައި ވަނީ އަންގާރަ ދުވަހުގެ ރޭ 09:58 ހާއިރު ކަމަށް އެމްއެންޑީއެފުން މައުލޫމާތު ދެއެވެ.
މިހާދިސާގައި އެ އިމާރާތުގެ ފުރަތަމަ ފަންގިފިލާގެ އިމާރާތަށާއި ކޭބަލްތަކަށް އެކިވަރުގެ ގެއްލުންތައް ވަނީ ލިބިފައެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެމްއެންޑީއެފުން މައުލޫމާތު ދެއެވެ.
