ކަރާ ކިލޯއެއްގެ އަގު 30ރ. އަށް ބޮޑުވެއްޖެއެވެ.
މީގެ ކުރިން ކަރާ ކިލޯއެއްގެ އަގު އުޅުނީ ގާތްގަނޑަކަށް 15ރ. އަށެވެ.
ރަމަޟާން މަހާއި ދިމާކޮށް ކާބޯތަކެތީގެ އަގު ދަނީ އުފުލެމުންނެވެ.
ބާޒާރުގައި ކަރާ ވިއްކާ ފަރާތްތަކުން ބުނީ ކަރާގެ އަގު އުފުލުނީ ކަރާ ލިބުން ދަތިވުމާ ގުޅިގެން ކަމަށާއި ރަށްރަށުން ކަރާ ލިބުން މަދުވުމާއި، އަތޮޅުތަކުން ކަރާ ހުސްވުމުން ކަމަށެވެ.
އަދި ކުރިއަށް އޮތީ ރަމަޟާން މަސް ކަމަށްވުމާއެކު މި އަގުތަށް އުފުލުމަކީ އެކަށީގެންވާ ކަމެއްކަމަށް ކަރާ ވިއްކާ ފަރާތްތަކުން ވަނީ ބުނެފައެވެ.
ކަރާގެ އިތުރުން މިރުސް ވެސް ވަނީ ރަމަޟާން މަސް ފެށުމުގެ ކުރިން އަގު ބޮޑު ވެފައެވެ. އެގޮތުން ކަނޑޫދޫ މިރުހުގެ އަގު ވަނީ ކިލޯއެއްގެ އަގު 1000ރ.އަށް އުފުލިފައެވެ.
