ތުޅާދޫއިން ދޫކުރުމަށް ހަމަޖެހިފައިވާ 50 ހައުސިންގ ޔުނިޓަށް އެދުމުގެ ފުރުސަތު ހުޅުވާލައިފި
3 މެއި 2019 | ހުކުރު 08:12ދެ ކެޓެގަރީއަކުން ގޯތި ދުކުރުމަށް ވަނީ ނިންމާފައި
ތުޅާދޫގައި އަޅަންފެށި ހައުސިން ޔުނިޓްތައް
ބ.ތުޅާދޫ އިން ދޫކުރުމަށް ހަމަޖެހިފައިވާ 50 ހައުސިންގ ޔުނިޓަށް އެދުމުގެ ފުރުސަތު ހުޅުވާލައިފިއެވެ.
ތުޅާދޫ ކައުންސިލުން ބުނީ ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން އެރަށުގައި މިހާރު އިމާރާތްކުރަމުންދާ 100 ހައުސިންގ ޔުނިޓްގެ ތެރެއިން 50 ހައުސިންގ ޔުނިޓަށް އެދުމުގެ ފުރުސަތު ހުޅުވާލާފައިވާ ކަމަށެވެ.
ކައުންސިލުން ބުނީ 50ގެ ދޫކުރުމަށް ހަމަޖެހިފައިވަނީ ދެކެޓަގަރީއަކުން ކަމަށެވެ. ކެޓެގަރީ އޭއިން 45 ގެ ދޫކުރުމަށް ހަމަޖެހިފައިވަނީ ތުޅާދޫ ރައްޔިތުންގެ ތެރެއިން އެ ގެތައް ބޭނުންވާ ފަރާތްތަކަށް ކަމަށެވެ. އަދި ކެޓެގަރީ ބީއިން 05ގެ ދޫކުރުމަށް ހަމަޖެހިފައިވަނީ ތުޅާދޫ އަށް ދިރިއުޅުން ބަދަލުކުރަން ބޭނުންވާ ފަރާތްތަކަށް ކަމަށެވެ.
މީގެ އިތުރުން ކައުންސިލުން ބުނީ މިގެތައް ބޭނުންވާ ފަރާތްތަކުން 03 ޖޫން ވާ ހޯމަދުވަހުގެ 13:00 ގެ ކުރިން މިކަމަށް އެދި ހުށަހަޅަން ޖެހޭ ފޯމް ފުރިހަމަކުރުމަށްފަހު، ފޯމްގެ އަސްލު އެއިދާރާއަށް ހުށަހެޅުމަށް އެދޭ ކަމަށެވެ. މިނޫންގޮތަކަށް ހުށަހަޅާފޯމް ބަލައިނުގަނެވޭނެ ކަމަށް ވެސް ކައުންސިލުން ބުންޏެވެ.
ކައުންސިލުން ބުނީ ފޯމް ބަލައިގަތުމަށް ހަމަޖެހިފައިވަނީ 05 މެއި ވާ އާދީއްތަދުވަހުން ފެށިގެން 03 ޖޫން ވާ ހޯމަދުވަހުގެ 13:00 ށް ރަސްމީ ދުވަސްދުވަހުގެ ރަސްމީ ގަޑީގައި ކަމަށެވެ.
ގޯއްޗަށް އެދޭ ފޯމް ކައުންސިލްގެ އިދާރާއިންނާއި، އެއިދާރާގެ ވެބްސައިޓުން ޑައުންލޯޑް ކުރެވޭނެއެވެ.
