އާދީއްތަ ދުވަހަކީ ބަންދު ދުވަހެއްގެ ގޮތުގައި ކަނޑައަޅައިފި
2 މެއި 2019 | ބުރާސްފަތި 07:59ސަރުކާރުގެ އޮފީސްތައް ރަސްމީކޮށް ދެން ހުޅުވޭނީ 7 މެއި ގައި
ރައީސް އޮފީސް
އަންނަ ހަފްތާގެ އާދީއްތަ ދުވަހަކީ ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކަނޑައަޅުއްވައިފިއެވެ.
ރައީސް އޮފިހުގެ ތަރުޖަމާން އިބްރާހީމް ހޫދު ބުރާސްފަތި ދުވަހު ކޮށްފައިވާ ޓުވީޓެއްގައި ބުނެފައިވަނި ހުރިހާ ރައްޔިތުންވެސް އަންނަ ރަމަޟާން މަހަށް ތައްޔާރީތައް ވުމަށް ރައީސުލްޖުމްހޫރިއްޔާ އިިބްރާހިމް މުހައްމަދު ސޯލިހު 5 މެއި 2019 ވާ އާދިއްތަ ދުވަހަކީ ބަންދު ދުވަހެއްގެ ގޮތުގައި ކަނޑައަޅުއްވައިފައިވާ ކަމަށެވެ.
ކަލަންޑަރުގައިވާ ގޮތުން އަންނަ ރަމަޟާން މަހުގެ ފުރަތަމަ ދުވަހަކީ މެއި 6 އެވެ. އަންނަ އާދިއްތަ ދުވަހާއި ރަމަޟާން މަހުގެ ފުރަތަމަ ދުވަހަކީ ސަރުކާރު ބަންދު ދުވަހަކަށް ވާ އިރު ރަސްމީ ކޮށް ދެން ސަރުކާރުގެ އޮފީސްތައް ހުޅުވާނީ 7 މެއި 2019 ވާ އަންގާރަ ދުވަހުގައެވެ. ރަމަޟާން މަހު ސަރުކާރުގެ މުއައްޒަފުން މަސައްކަތް ކުރަންޖެހޭ ގަޑިއަކީ ހެނދުނު 9:00 އިން މެންދުރު 1:00 އަށް ކަމަށް ރައީސް އޮފީހުން ވަނީ މީގެކުރިން ކަނޑައަޅާފައެވެ.
