ވައިގެ މަގުން ރާއްޖެއަށް އެތެރެ ކުރި ކިލޯއަކަށް ވުރެ ގިނަ މަސްތުވާތަކެތި އަތުލައިގެންފި
1 މެއި 2019 | ބުދަ 02:47ހެރޮއިން އެތެރެ ކޮށްފައިވަނީ ވެލާނާ އެއާރޕޯޓުން ރާއްޖެ އައި އެހެން ގައުމެއްގެ މީހެއް
ކަސްޓަމާ ފުލުހުން ގުޅިގެން ވަނީ 1.144 ކިލޯ ގުރާމްގެ މަސްތުވާތަކެތި އަތުލައިގެންފައި
ރާއްޖެ އެތެރެކުރި ކިލޯއަކަށް ވުރެ ގިނަ މަސްތުވާތަކެތި އަތުލައިގެންފިއެވެ.
ފުލުހުން ބުނީ މަސްތުވާތަކެތީގެ ބާވަތެއް ކަމަށްވާ ކޮކެއިން އަތުލައިގަތީ އަންގާރަ ދުވަހުގެ މެންދުރު ފުލުހުންގެ ލޯ އެންފޯސްމެންޓް ޓީމާއި، ކަސްޓަމްސް ގުޅިގެން ހިންގި އޮޕަރޭޝަނެއްގައި ކަމަށެވެ.
ފުލުހުން ބުނީ ހެރޮއިން އެތެރެ ކޮށްފައި ވަނީ ވެލާނާ އިންޓަރނޭޝަނަލް އެއާރޕޯޓުން ރާއްޖެ އައި އެހެން ގައުމެއްގެ މީހެއް ކަމަށާއި އޭނާގެ އަތުން 1.144 ކިލޯ ގުރާމްގެ ކޮކައިން ފެނިފައިވާ ކަމަށެވެ.
މި ތަކެތީގެ މަގުމަތީގެ އަގު ތިން މިލިއަން ދިވެހި ރުފިޔާއަށް އަރާނެ ކަމަށް ލަފާކުރެވޭ ކަމަށް ވެސް ފުލުހުން ބުނެއެވެ.
މީގެ އިތުރުން އެޕްރީލް މަހުގެ 29 ވަނަ ދުވަހު ކަނޑު މަގުން ރާއްޖެއަށް އެތެރެކޮށް، ގދ. އަތޮޅު ފަޅުރަށެއްގައި ވަޅުލާފައި ހުރި 150 ކިލޯގެ މަސްތުވާތަކެތި ފުލުހުން އަތުލައިގަނެފައި ވެއެވެ.
އެ ތަކެތި އަތުލައިގަނެފައި ވަނީ ގދ. އަތޮޅުގެ ކަނޑުގެ ސަރަހައްދާއި ފަޅުރައްތަކުގައި ފުލުހުން ހިންގި އޮޕަރޭޝަނެއްގައެވެ.
