ލަކްސްމީ ބޮމް ގެ ޝޫޓިން ފަށައިފި

"ލަކްސްމީ ބޮމް" ގެ ޝޫޓިން ބޮލީވުޑް އެކްޓަރ އަކްޝޭ ކުމާރާއި ކިއާރާ އަދުވާނީ ފަށައިފި އެވެ.

"ލަކްސްމީ ބޮމް" އަކީ ތަމަޅަ ހޮރޯ ކޮމެޑީ ފިލްމް "ކަންޗަނާ" ގެ ރީމޭކް އެކެވެ.

މި ފިލްމަކީ އެކްޓަރ އަދި ފިލްމް މޭކަރ ރަގާވާ ލައުރެންސްއެވެ. ލައުރެންސް ވަނީ އަކްޝޭ އާއި ކިއާރާ އަދި ފިލްމްގެ ޕްރޮޑިއުސަރ ޝަބީނާ ޚާން އާއި އެކު ނަގާފައިވާ ފޮޓޯ ޓްވިޓާގައި ހިއްސާކޮށް ފިލްމްގެ ޝޫޓިންތައް ފެށިކަމަށް ބުނެފައެވެ.

އަދި އެންމެންގެ ދުއާ ބޭނުންވާ ކަމަށް އޭނާ ވަނީ ބުނެފައެވެ.

"ލަކްޝްމީ ބޮމް" ގެ އިތުރުން ވެސް އަކްޝޭގެ ގިނަ ޕްރޮޖްތައް ކުރިއަށް ހުރި ކަމަށް ރިޕޯޓްތައް ބުނެއެވެ.

އޭގެތެރޭގައި ކަރީނާ ކަޕޫރާއި އެކު ފެނިގެންދާ "ގުޑް ނިއުސް"، "ހައުސްފުލް 4" އަދި މިޝަން މަންގަލް ހިމެނެއެވެ.

އަކްޝޭގެ އެންމެ ފަހުން ރިލީޒް ކޮށްފައިވާ ފިލްމަކީ "ކޭސަރި" އެވެ. މި ފިލްމް ވެގެން ގޮސްފައިވަނީ ބޮކްސް އޮފީހުގައި ކާމިޔާބު ފިލްމަކަށެވެ. "ކޭސަރި" އަށް ދުނިޔޭގެ އެކި ކަންކޮޅުތަކުން އާމްދަނީގެ ގޮތުގައި ވަނީ 204.33 ކްރޯޑް ރުޕީސް ލިބިފައެވެ.