މޫސުން ގޯސްވުމުން ދަތުރުވެރިން ސަމާލުވުމަށް ފުލުހުން އިލްތިމާސްކޮށްފި
20 އެޕްރީލު 2019 | ހޮނިހިރު 19:54މިއަދާއި މާދަމާ ވެސް ވިއްސާރަ
ރާއްޖޭގެ ބޮޑު ބަޔަކަށް މިއަދާއި މާދަމާ ވިއްސާރަ
ރާއްޖޭގެ އެކި ސަރަހައްދުތަކަށް މޫސުން ގޯސްވާނެތީ ދަތުރުވެރިން ސަމާލުވުމަށް ފުލުހުން އިސްތިމާސްކޮށްފިއެވެ.
ހޮނިހިރު ދުވަހުގެ ރޭ ފުލުހުން ކޮށްފައިވާ ޓުވީޓެއްގައި ބުނެފައިވަނީ ދަތުރުކުރާއިރު ރައްޔިތުންނާއި މުދަލުގެ ރައްކާތެރިކަމަށް ސަމާލުވުމަށް އިލްތިމާސްކުރާ ކަމަށެވެ.
ހޮނިހިރު ދުވަހާއި އާދީއްތަ ދުވަހު ވެސް ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް މޯލްޑިވްސް މީޓްރޮލޮޖިކަލް ސާރވިސް (މެޓް އޮފީހުން) ވަނީ ލަފާކޮށްފައެވެ.
މެޓް އޮފީހުން ވަނީ ރާއްޖޭގެ ދެކުނަށް ހޯމަ ދުވަހު ވިއްސާރަ ކުރާނެ ކަމަށް ލަފާކޮށްފައެވެ. އެގޮތުން ލ. އަތޮޅުން ފެށިގެން ހުވަދު އަތޮޅާއި ފުވައްމުލަކާއި އައްޑޫސިޓީއަށް ހޯމަ ދުވަހުގެ ނިޔަލަށް ގުގުރުމާއެކު ބޯކޮށް ވާރޭވެހޭނެ ކަމަށް އެކަށިގެންވާ މެޓް އޮފީހުން ވަނީ ބުނެފައެވެ.
މެޓް އޮފީހުން އިލްތިމާސްކޮށްފައި ވަނީ ރާއްޖޭގެ ބައެއް ސަރަހައްދުތަކަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭތީ، އާއްމުކޮށް ހުރިހާ ފަރާތްތަކުން، ޙާއްސަކޮށް ކަނޑު ދަތުރު ފަތުރުކުރައްވާ ފަރާތްތަކުން މޫސުމަށް ސަމާލުވުމަށް އިލްތިމާސްކުރާ ކަމަށެވެ.
ދިޔަވަރު އެންމެ ބޮޑުވާ ގަޑީގައި ދެކުނާއި މެދުތެރޭގެ ބައެއް ރަށްތަކަށް އުދައިގެ އަސަރުކުރުމަކީ އެކަށީގެންވާ ކަމެއް ކަމަށް މެޓް އޮފީހުން ބުންޏެވެ.
