ލަންކާގެ ފުރަތަމަ ސެޓެލައިޓް ދޫކޮށްލައިފި، ނަމަކީ ރާވަނާ
20 އެޕްރީލު 2019 | ހޮނިހިރު 05:33ސެޓެލައިޓް ފޮނުވާލާފައި ވަނީ ހުކުރު ދުވަހު
\'\' ރާވަނާ 1\'\' ޖައްވަށް ފޮނުވާލަނީ | ގޫގުލް
ސްރީލަންކާގެ ފުރަތަމަ ސެޓެލައިޓް ''ރާވަނާ 1'' ޖައްވަށް ފޮނުވާލައިފިއެވެ.
މި ސެޓެލައިޓް ޖައްވަށް ފޮނުވާލަފައި ވަނީ އެމެރިކާގެ ވާޖީނިއަސް އީސްޓް ޝޯރްގައި ހުންނަ ނާސާ ވެލްޕް ފްލައިޓް ފެސިލިޓީން ހުކުރު ދުވަހުގެ މެންދުރުގެ ވަގުތެއްގައެވެ.
މި ސެޓެލައިޓް ވެގެން ދާނީ ސްރީލަންކާ އިން ޖައްވަށް ފޮނުވާ ފުރަތަމަ ސެޓެލައިޓަށެވެ.
ސެޓެލައިޓް ޑިޒައިންކޮށް ހަދާފައި ވަނީ ޖަޕާނުގެ ކިޔުޝޫ އިންސްޓިޓިއުޓް އޮފް ޓެކްނޮލޮޖީގައި، ސްރީލަންކާގެ ރިސާޗް އިންޖިއަނަރެއް ކަމަށްވާ ތަރިންދު ދަޔަރަންތެއާމާއާ މޮރަޓުވާގައި ހުންނަ ސީ.ކްލާކާ އިންސްޓިއުޓިއުޝަންގެ އިންޖިއަނަރ ދުލަނި ޗަމިކާއެވެ.
މި އުޅަނދު ޖައްވުގައި ހޭދަކުރާ ކުރާ ދުވަސްތަކުގައި ދުނިޔެ ވަށާ 15 ބުރު ޖަހާނެއެވެ. އެއީ ސިކުންތަކު 7.6 ކިލޯމީޓަރެވެ.
ބަރުދަނުގައި 1.05 ކިލޯ ގްރާމް ހުންނަ ''ރާވަނަ 1'' ގެ ފަސް މިޝަނެއް ހިންގުމަށް ހަމަޖެހިފައިވެއެވެ. ސެޓެލައިޓްގެ އުމުރަކީ އެއް އަހަރާއި ބައިއެވެ.
ސެޓެލައިޓުގެ ދަތުރާއި ބެހޭ ގޮތުން ވާހަކަ ދައްކަވަމުން ތަރިންދު ވިދާޅުވީ، ސެޓެލައިޓް ޖައްވަށް ފޮނުވާލެވުނު އިރު އެއްވެސް މައްސަލައެއް ދީމާވެފައި ނުވާ ކަމަށެވެ. އަދި މިއަކީ ލަންކާގެ ހުރިހާ ރައްޔިތުން އެ ދުވަސް އަބަދުވެސް ހަދާނުގައި ހުންނަ ޖެހޭ ކަމަށެވެ.
ލަންކާ އިން ފުރަތަމަ ސެޓެލައިޓްގެ މިޝަން އަކީ ލަންކާ އާއި އަވަށްޓެރި ގައުމުތަކުގެ ފޮޓޯ ނެގުމެވެ.
