ސަންޖޭ ލީލާބަންސާލީގެ އަންނަން އޮތް ފިލްމް "އިންޝާﷲ"ގައި ސަލްމާން ޚާން އާއި އާލިއާ ބަޓް އަދާކުރާނެ ރޯލާއި މެދު ދަނީ ތަފާތު ގޮތް ގޮތަށް ވާހަކަ ދެކެވެމުންނެވެ.
އާލިއާ އާއި ސަލްމާން އާއި ދެމެދުގައި އުމުރުގެ ބޮޑު ތަފާތެއް ހުރުމުން މި ފިލްމްގައި މި ދެތަރިން ފެނިގެންދާނީ ކޮއްކޮ އާއި ބޭބެގެ ރޯލުން ކަމަށްވެސް ބައެއް ރިޕޯޓްތައް ބުނެއެވެ. ނަމަވެސް އެންމެ ފަހުގެ ރިޕޯޓްތައް ބުނާ ގޮތުން މި ފިލްމްގައި މި ދެ ތަރިން ފެނިގެން ދާނީ ދެ ލޯބިވެރިންގެ ގޮތުގައެވެ.
ރިޕޯޓްތައް ބުނާ ގޮތުން މި ފިލްމްގައި ސަލްމާން ފެނިގެންދާނީ 40 އަހަރުގެ ވިޔަފާރިވެރިއެއްގެ ރޯލުންނެވެ. އަދި އާލިއާ ފެނިގެންދާނީ 20ގެ އަހަރުތައް ގުނަމުންދާ ކާމިޔާބު ބަތަލާއެއްގެ ރޯލުންނެވެ.
ސަލްމާންގެ އަންނަން އޮތް ފިލްމް "ބާރަތް" ގައި ވެސް އުމުރުން ދުވަސްވީ މީހެއްގެ ރޯލުން ސަލްމާން ފެނިގެންދާނެއެވެ.
"އިންޝާﷲ" އަކީ 20 އަހަރަށް ފަހު ސަލްމާން އާއި ބަންސާލީ އެކުގައި މަސައްކަތް ކުރާ ފުރަތަމަ ފިލްމެވެ. މި ފިލްމްގައި ސަލްމާން އާއި އެކު ލީޑް ރޯލުން ފެނިގެން ގޮސްފައިވަނީ އައިޝްވަރިޔާ ރާއީ އެވެ.
