ރާއްޖޭގެ މުވާސަލާތީ ޙިދުމަތްދޭ އެންމެ ބޮޑު ކުންފުނިން ދިރާގުން ފޯރުކޮށްދެމުންގެންދާ ދިރާގު ޓީވީ ޕެކޭޖްތަކަށް ހާއްސަ ޕްރޮމޮޝަނެއް ފަށައިފިއެވެ.
އެގޮތުން ބޭސިކް ޕެކޭޖް 300ރ. އަށް، އެޑޯންއެއް ގޮތުގައި 'އެކްޒައިޓްމެންޓް' ޕެކޭޖް ކަސްޓަމަރުންނަށް ހިލޭ ލިބިގެންދާނެ ކަމަށް ދިރާގުން ބުންޏެވެ.
އެޑޯންގެ ގޮތުގައި ދޫކުރާ 'އެކްޒައިޓްމެންޓް' ޕެކޭޖްގައި 22 ޗެނަލް ހިމެނޭއިރު މިޕެކޭޖްގެ އަގަކީ 120ރ. އެވެ.
އަދި ދިރާގުޓީވީން ދޫކުރާ ހުރިހާ ޗެނަލްއެއް 399ރ. އަށް ކަސްޓަމަރުންނަށް ބަލާލެވޭނެ ކަމަށް ވެސް އެކުންފުނިން ބުންޏެވެ.
މި ޕްރޮމޯޝަން ކުރިއަށް ގެންދިއުމަށް ހަމަޖެހިފައިވަނީ ޖޫން2019ގެ ނިޔަލަށެވެ.
ދިރާގަކީ ފިކްސްޑް ބްރޯޑްބޭންޑްގެ ދަށުން ރާއްޖޭގައި އެންމެ ފުރަތަމަ މިގޮތަށް ޓީވީގެ ޙިދުމަތްދިން ފަރާތެވެ.
ފާއިތުވި 2 އަހަރު ދުވަހުގެ ތެރޭގައި ދިރާގުން ވަނީ ދިރާގު ޓީވީގެ ޚިދުމަތް ފުޅާކޮށް 90 ޗެނަލްއަށް ވުރެ ގިނަ ޗެނަލްއާއި އެކު ރާއްޖޭގެ 52 ރަށުގެ 75 އިންސައްތަ ގެއަށް މިޙިދުމަތް ފޯރު ކޮށްދީފައެވެ.
