މާލޭގެ މިސްކިތްތައް މަރާމާތުކޮށްދޭނެ ފަރާތެއް ހޯދަނީ
މައުލޫމާތު ސާފުކުރުމަށް ބާއްވާ ބައްދަލުވުން 18 އޭޕްރީލްގައި އޮންނާނެ
ޒިޔާރަތް މިސްކިތް
މާލޭ ސިޓީ ކައުންސިލްގެ ބެލުމުގެ ދަށުގައިވާ މިސްކިތްތައް މަރާމާތުކުރާނެ ފަރާތެއް ހޯދުމަށް އިއުލާންކޮށްފި އެވެ.
ސިޓީ ކައުންސިލުން ކުރި އިއުލާނެއްގައި ބުނީ، މާލޭ ސިޓީ ކައުންސިލުން ބަލަހައްޓަމުންދާ މިސްކިތްތަކުގައި ކުރަންހުރި މަރާމާތުތައް އަމިއްލަ ތަކެތީގައި ކޮށްދޭނެ ފަރާތެއް ހޯދަން ބޭނުންވާ ކަމަށެވެ. އަދި އެކަމަށް ޝަޢުގުވެރިވާ ފަރާތްތަކުން މަޢުލޫމާތު ސާފުކުރުމަށް ބާއްވާ ބައްދަލުވުން 18 އޭޕްރީލްގައި ބޭއްވުމަށް ހަމަޖެހިފައިވާއިރު، 22 އޭޕްރީލްގައި އަގު ހުށައެޅުން އޮންނާނެ ކަމަށް އިިއުލާންގައި ބުނެފައިވެއެވެ.
ސިޓީ ކައުންސިލުން ބުނީ، ގަޑިއަށް މަޢުލޫމާތު ސާފުކުރަން ވަޑައިނުގަންނަވާ ފަރާތްތަކާއި ގަޑިޖެހުމުގެ ފަހުން ބިޑް ހުށަހަޅަން ހާޒިރުވާ ފަރާތްތަކުގެ ބިޑް ބަލައި ނުގަނެވޭނެ ކަމަށެވެ.
މާލެ ސިޓީ ކައުންސިލްގެ މިސްކިތްތައް، މާލެ ސިޓީ ކައުންސިލްގެ ބެލުމުގެ ދަށަށް ބަދަލު ކޮށްފައިވަނީ އައު ސަރުކާރާއެކު، ލާމަރުކަޒީ ނިޒާމް ހަރުދަނާކުރުމަށް ގެނައި ބަދަލުތަކާއެކު އެވެ. މީގެކުރިން މިސްކިތްތައް ބަލަހައްޓަމުން ގެންގޮސްފައިވަނީ އިސްލާމިކް މިނިސްޓްރީންނެވެ.
