އާދީއްތަ 16 ޖޫން 2019
14 މިއަހެލި
1440 ޝައްވާލް 12
ފަތިސް 04:36
އިރުއަރާ 05:54
މެންދުރު 12:11
އަސްރު 15:34
މަޣްރިބް 18:19
އިޝާ 19:38
ކުޅިވަރު - ވިލިއަން

ވިލިއަންއަށް އަލުން ބިޑުކުރަން ބާސާއިން މަސައްކަތް ފަށައިފި

  • ވިލިއަންގެ އެއްބަސްވުން ހަމަވާނީ 2020 ގައި

ލީވާން އަލީ
MrLeevaan

ކ. މާލެ 13 އޭޕުރިލް 2019 | ހޮނިހިރު 18:08 2,249

ޗެލްސީއަށް ކުޅެމުން އަންނަ ވިލިއަން - ރައީސް އޮފީސް

ޗެލްސީއަށް ކުޅެމުން އަންނަ ވިލިއަންއަށް އަލުން ބިޑުކުރަން ބާސެލޯނާއިން މަސައްކަތް ފަށައިފިއެވެ.

ދަ ޓެލެގްރާފްއިން ބުނީ، ކުރިޔަށް އޮތް ސީޒަނަށް އަމާޒުކޮށް ބާސާއިން ގެންނަން ބޭނުންވާ ކުޅުންތެރިންގެ ތެރޭގައި ވިލިއަން ވެސް ހިމެނޭ ކަމަށާއި، އޭނާއަށް ބިޑުކުރަން އެ ކްލަބުން މަސައްކަތް ކުރަމުން އަންނަ ކަމަށެވެ.

ނިމިދިޔަ ސީޒަނުގެ އިތުރުން ޖެނުއަރީ ޓްރާންސްފާގައި ވެސް ވިލިއަން ހޯދުމުގެ މަސައްކަތް ބާސާއިން ކުރިއެވެ. ނަމަވެސް އެކަން ކާމިޔާބުނުވީ ބާސާ އާއި ޗެލްސީއާ ދެމެދު އެއްބަސްވުމަކަށް ނާދެވިގެންނެވެ.

ޗެލްސީއާއެކު އުމުރުން 30 އަހަރުގެ ވިލިއަން ހަދާފައިވާ އެއްބަސްވުން 2020 ވަނަ އަހަރު ހަމަވާއިރު، އޭނާ ހޯދުމަށް ދުނިޔޭގެ ނަން މަޝްހޫރު ގިނަ ކްލަބްތަކުން އަންނަނީ މަސައްކަތް ކުރަމުންނެވެ.

ދާދި ފަހުން ނޫސްވެރިންނަށް މައުލޫމާތު ދެމުން ވިލިއަން ބުނީ، އާ އެއްބަސްވުމެއްގައި ސޮއިކުރަން ކްލަބުން ބޭނުންވާކަން އޭނާއަށް ނޭނގޭ ކަމަށާއި، ނަމަވެސް އާ އެއްބަސްވުމެއް އޭނާ ބޭނުންވާ ކަމަށެވެ.

ކުރިމަގު އޮތީ ޗެލްސީއާ އެކުކަން ފާހަގަކުރަމުން ވިލިއަން ބުނީ، ޗެލްސީގައި ހޭދަކުރި ފަސް އަހަރާ ބައިގެ މުއްދަތުގައި ގިނަ ކާމިޔާބީތަކެއް ކްލަބާ އެކު ހޯދިފައިވާ ކަމަށާއި، ކްލަބުގައި އޭނާ ހުރީ ވަރަށް ހިތްހަމަޖެހިގެން ކަމަށެވެ.

ބްރެޒިލްގެ ކޮރިންތިއަންސް އިން ކެރިޔަރު ފެށި ވިލިއަން ޗެލްސީއަށް ބަދަލުވީ 2013 ވަނަ އަހަރުގެ ސީޒަނުގައެވެ. އޭނާ ވަނީ މިހާތަނަށް އެޓީމަށް ކުޅުނު 285 މެޗުގައި 52 ލަނޑު ކާމިޔާބު ކޮށްފައެވެ.

ވިލިއަން ވަނީ ޗެލްސީއާއެކު ޕްރިމިއާ ލީގު ދެފަހަރު، އެފްއޭ ކަޕް އެއްފަހަރު އަދި ފުޓުބޯޅަ ލީގު ކަޕް އެއްފަހަރު ކާމިޔާބު ކޮށްފައެވެ.

ބްރެޒިލް ގައުމީ ޓީމަށް ކުޅުނު 65 މެޗުގައި 8 ލަނޑު ކާމިޔާބު ކޮށްފައިވާ ވިލިއަން ވަނީ 2007 ވަނަ އަހަރު ބްރެޒިލްގެ 20 އަހަރުން ދަށުގެ ޓީމާއެކު ސައުތު އެމެރިކަން ޔޫތު ފުޓުބޯލް ޗެމްޕިއަންޝިޕް ވެސް ކާމިޔާބު ކޮށްފައެވެ

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް