ސަޅަކް 2 ގެ ޝޫޓިން އަންނަ މެއި މަހު ފެށުމަށް ހަމަޖެހިފައިވާ ކަމަށް ބޮލީވުޑް އެކްޓަރ އާލިއާ ބަޓް ބުނެފިއެވެ.
އާލިއާގެ އަންނަން އޮތް ފިލްމް "ކަލަންކް"ގެ ޕްރޮމޯޝަންގައި އާލިއާ ބުނެފައިވަނީ "ސަޅަކް 2" ޝޫޓިން އަންނަ މަހު ފެށުމަށް ހަމަޖެހިފައިވާ ކަމަށެވެ.
މި ފިލްމަކީ އާލިއާގެ ބައްޕަ މަހޭޝް ބަޓް ޑައިރެކްޓް ކުރާ ފިލްމެކެވެ. އަދި މިއީ އާލިއާ އޭނާގެ ބައްޕަގެ ފިލްމެއްގައި މަސައްކަތް ކުރާ ފުރަތަމަ ފިލްމެވެ.
ސަޅަކް2" އަކީ 1991 ވަނަ އަހަރު ރިލީޒް ކުރި ކާމިޔާބު ފިލްމް "ސަޅަކް" ގެ ސީކުއެލް އެކެވެ. މި ފިލްމްގައި ލީޑް ރޯލުން ފެނިގެން ގޮސްފައިވަނީ މަހޭޝް ބަޓްގެ ދޮށީ އަންހެން ދަރިފުޅު ޕޫޖާ ބަޓް އާއި ސަންޖޭދަތް އެވެ.
"ސަޅަކް2" ގައި އާލިއާ އާއި އެކު ޕޫޖާ ވެސް ފެނިފެން ދާނެއެވެ. މީގެ އިތުރުން މި ފިލްމްގައި ސަންޖޭދަތާއި އަދިތްޔާ ރޯއީ ކަޕޫރު ފެނިގެންދާނެއެވެ.
އާލިއާ އަދި ޕޫޖާ މި ދެބެން އެކުގައި ފުރަތަމަ ފަހަރަށް ފެނިގެންދާ މި ފިލްމް ރިލީޒް ކުރުމަށް ހަމަޖެހިފައިވަނީ 2020 ވަނަ އަހަރުގެ މާރޗް 25 ގައެވެ.
ޕޫޖާ ވަނީ 90 އަހަރުތަކުގެ ތެރޭގައި އޭނާގެ ބައްޕަގެ ގިނަ ފިލްމްތަކެއްގައި މަސައްކަތް ކޮށްފައެވެ. އޭގެތެރޭގައި "ޑެޑީ"، ދިލް ހޭ ކި މާންތާ ނެހީން"، "ސަރ"،"ޒަޚަމް" އަދި "ސަޅަކް" ހިމެނެއެވެ.
