ބޮލީވުޑްގެ ތަރި އިރްފާން ޚާން އޭނާގެ އަންނަން އޮތް ފިލްމް "އަންގްރޭޒީ މީޑިއަމް" ގެ ޝޫޓިން ފަށައިފިއެވެ.
"އަންގްރޭޒީ މީޑިއަމް"އަކީ 2017 ވަނަ އަހަރު ރިލީޒް ކުރި ކާމިޔާބު ފިލްމް "ހިންދީ މީޑިއަމް" ގެ ސީކުއެލް އެވެ.
ހޯމީ އަދްޖަނިއާ ޑައިރެކްޓް ކުރާ މި ފިލްމް ގެ ޝޫޓިންތައް ފަށާފައިވަނީ އުދައިޕޫރު، ރާޖަސްތާންގައެވެ.
މި ފިލްމްގައި އިރްފާނާ އެކު ލީޑް ރޯލުން ފެނިގެން ދާނީ ކަރީނާ ކަޕޫރު ކަމަށް ރިޕޯޓްތައް ބުނެއެވެ.
ފިލްމް "ޕަޓާކާ"ގެ ތަރި ރަދިކާ މާދަން އެ ފިލްމުގައި އިރުފާންގެ ދަރިފުޅުގެ ރޯލުން ފެނިގެންދާނެއެވެ.
"ހިންދީ މީޑިއަމް" ގައި އިރުފާން އާއި އެކު ލީޑް ރޯލުން ފެނިގެން ގޮސްފައި ވަނީ ޕާކިސްތާނީ އެކްޓަރ ސަބާ ގަމަރެވެ.
"އަންގްރޭޒީ މީޑިއަމް" މިދިޔަ އހަރުން ފެށިގެން ލަންޑަންގައި ކެންސަރަށް ފަރުވާ ހޯދުމަށްފަހު އެނބުރި އިންޑިއާއަށް ދިއުމަށްފަހު މަސައްކަތް ކުރާ ފުރަތަމަ ފިލްމެވެ.
މިދިޔަ މަހު އެނބުރި އިންޑިއާއަށް ދިޔަ ނަމަވެސް އޭނާ މުޅިން ވެސް ފެނިގެން ގޮސްފައި ވަނީ މޫނު ނިވާކޮށްގެން ހުއްޓައެވެ. ނަމަވެސް ފުރަތަމަ ފަހަރަށް އޭނާ މޫނު ނިވާ ނުކޮށް ހުއްޓާ ފެނިގެން ގޮސްފައި ވަނީ މިދިޔަ އަހަރުއެވެ.
އިރުފާން އޭނާގެ ޓްވިޓާގައި ލިޔެފައިވާ ކުރު ނޯޓްގައި ވަނީ ފޭނުން ދިން ހިތްވަރާއި ލޯތްބަށް ޝުކުރު އަދާކޮށްފައެވެ.
