ސިޔާސީ ފައިސާގެ ހާމަކަން ކުޑަ: ޓްރާންސްޕޭރެންސީ
7 އެޕްރީލު 2019 | އާދީއްތަ 09:10މިހާރުގެ ގާނޫނުގެ ސަބަބުން ސިޔާސީ ފައިސާގެ ހަގީގަތް ސިއްރުވެ އިންތިހާބުތަކުގައި ބޭނުންކުރާ ފައިސާގެ ހާމަކަން ގެއްލިގެންދޭ
ޓްރާންސްޕޭރެންސީން ބޭއްވި ނޫސްވެރިންގެ ބައްދަލުވުމުގެ ތެރެއިން
މިހާރު އަމަލު ކުރެވޭ ގާނޫނޫތަކުގައި ހުރި މައްސަލަތަކުގެ ސަބަބުން ސިޔާސީ ފައިސާގެ ހާމަކަން ކުޑަކަމަށް ޓްރާންސްޕޭރެންސީ މޯލްޑިވިސް އިން ބުނެފިއެވެ.
ނިމިދިޔަ 19 ވަނަ ރައްޔިތުންގެ މަޖިލީހުގެ އިންތިހާބު އޮބްސާރވް ކުރުމަށް ފަހު ފާހަަގަކުރެވުނު ކަންތައްތަކާއި އިންތިހާބީ ނިޒާމުގައި ފާހަގަ ކުރެވުނު ކަންތައްތައް ހިއްސާކުރުމަށް އާދީއްތަ ދުވަހުގެ ހެނދުނު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓްރާންސްޕޭރެންސީ މޯލްޑިވްސް އިން ބުނެފައި ވަނީ ވޯޓް ގަތުމުގެ ޝަކުވާއަކީ ކޮންމެ އިންތިހާބެއްގައި ވެސް ކުރަމުން އަންނަ ޝަކުވާއެއް ކަމަށާއި ހާއްސަކޮށް މަޖިލީސް އިންތިހާބުގައި ޝަކުވާތައް ގިނަ ކަމަށެވެ.
ގާނޫނުތަކަަށް އިސްލާހު ގެނެސްގެން ނުވަތަ އާގާނޫނުތައް ހަދައިގެން ވޯޓް ގަތުމުގެ މައްސަަތައް ބަލައި އެކަމާ މެދު ފިޔަވަޅުއެޅުމަށް ޓްރާންޕޭރެންސީން ވަނީ ކަމާ ބެހޭ ފަރާތްތަކަށް ގޮވާލާފައެވެ. 19 އަނަ ރައްޔިތުންގެ މަޖިލީހުގެ އިންތިހާބަށް މާލީ ބަޔާން ބައެއް މެމްބަރުން ހާމަކުރިކަން ފާހަގަކުރައްވައި ޓްރާންޕޭރެންސީ މޯލްޑިވިސް އިން އައިމަން ވިދާޅުވީ މާލީ ބަޔާން އާންމު ކުރުމަކީ ސިޔާސީ ފައިސާގެ ހާމަކަމުގެ ނިޒާމް ކުރިއެރުވުމަށް އެޅުނު ވަރަށް ބޮޑު ފިޔަވަޅެއް ކަމަށާއި ނަމަވެސް މިހާރު އަމަލު ކުރެވޭ ގާނޫނޫތަކުގައި ހުރި މައްސަލަތަކުގެ ސަބަބުން ސިޔާސީ ފައިސާގެ ހަގީގަތް ސިއްރުވެ އިންތިހާބުތަކުގައި ބޭނުންކުރާ ފައިސާގެ ހާމަކަން ގެއްލިގެންދާ ކަމަށެވެ. މިކަމުގެ ސަބަބުން ރައްޔިތުންގެ މަސްލަހަތުގެ މައްޗަށް ކެންޑިޑޭޓާއި ފައިސާ ފޯރުކޮށްދިންް ފަރާތުގެ މަސްލަހަތު އިސްކުރެވޭތަން އަންނާނެ ކަމަށް ވެސް އައިމަން ވިދާޅުވިއެވެ.
"ސިޔާސީ ޕާޓީތަކާއި ކެންޑިޑޭޓުންނަށް ހަރަދުކުރާ ފަރާތްތައް ހާމަނުކުރާ ނަމަ އޭގެ ސަބަބުން ވޯޓްލާ މީހުންނަށް ކެންޑިޑޭޓުންގެ މަސްލަހަތަށް ވުރެން ރައްޔިތުންގެ މަސްލަތަަކާއި ސިޔާސީ މަސްލަހަތާއި ފައިސާގެ މަސްލަހަތު ފުށޫއަރައި ރައްޔިތުންގެ މަސްލަހަތުގެ މައްޗަށް ކެންޑިޑޭޓާއި ފައިސާ ފޯރުކޮށްދިންް ފަރާތުގެ މަސްލަހަތު އިސްކުރެވޭތަން އަންނާނެ" އައިމަން ވިދާޅުވިއެވެ.
މި ބައްދަލުވުމުގައި ވާހަކަ ދައްކަވަމުން ޓްރާންސްޕޭރެންސީ މޯލްޑިވިސްގެ ސީނިއަރ ޕްރޮޖެކްޓް ކޯޑިނޭޓަރ އަހުމަދު ތޮލާލް ވިދާޅުވީ ވޯޓް ގަތުމާއި ސިޔާސީ ފައިސާގެ ހާމަކަން ނެތް ކަމަށެވެ.
"އިންތިހާބުގެ ނިޒާމުގައި ފާހަގަކުރެވުނު ކަންތައްތަކަކީ ވޯޓްގަތުމާއި ސިޔާސީ ފައިސާގެ ހަމަހަމަކަން ނެތުމާއި ދައުލަތުގެ ފައިސާޔާއި ވަސީލަތް އިންތިހާބުގެ ބޭނުމަށް ނަހަމަ ގޮތުގައި ބޭނުންކުރުމާއި އިންތިހާބުގައި އަންހެނުންގެ ބާރުވެރިކަން ކުޑަވުމާއި ގާނޫނުގައި މިނޫން ވެސް ހުރި މައްސަލަަތައް ހައްލުކުރުމަށް ޓްރާންސްޕޭރެންސީ މޯލްޑިވިސް އިން ގޮވާލަން،" ތޮލާލް ވިދާޅުވިއެވެ.
މި ބައްދަލުވުމުގައި ވާހަކަދައްކަވަމުން ތޮލާލް ވަނީ މި ފަހަރުގެ އިންތިހާބަކީ އިދާރީ ކަންކަން ރަނގަޅު ހާމަކަން ބޮޑު ގޮތެއްގައި ބޭއްވުނު އިންތިހާބެއް ކަމަށާއި އެންމެ ތަނެއް ފިޔަވައި އެހެން އެއްވެސް ވޯޓުލި މަރުކަޒެއްގައި ހަމަނުޖެހުމެއް ނުހިނގާ ކަމަށް ވިދާޅުވެފައެވެ. އަދި ވޯޓް ލާ ގިނަ މަރުކަޒުގައި ކަނަޑައެޅިފައިވަ ގަޑިއަށް ވޯޓް ލުން ބަންދުކުރި ކަމަށާއި ފުލުހުން ވޯޓް މަރުކަޒުތަކަށް ވަދެފައި ވަނީ ވެސް ގާނޫނީ އިޖްރާއަތްތަކާ އެއްގޮތަށް ވޯޓު ލި މަރުކަޒުގެ އިސްވެރިޔާގެ އެދުމުގެ މަތިން ކަމަށް ވެސް ތޮލާލް ވިދާޅުވިއެވެ.
"ވޯޓްލާ މަރުކަޒުގެ ތެރެއިން 97 އިންސައްތަ ވޯޓް ފޮށި ބަންދުކުރަން ހަމަޖެހިފައިވާ ގަޑީގެ އެއްގަޑިއިރުގެ ކުރިން ބަންދުކުރެވިފައިވޭ، ވޯޓް ލާ މީހުންގެ ރަޖިސްޓްރީ ޖުމްލަކޮށް ފުރިހަމަ ، ވޯޓް ލެވޭ މީހުންގެ ލިސްތްގައި މައްސަލަ ހުރެގެން ވޯޓް ނުލެވި ދިޔައީ ވަރަށް މަދު ބަޔަކަށް. 85 އިންސައްތަ މަރުކަޒުގައި މީހުން އެހެން މީހެއްގެ އެހީ ތެރިކަމާއެކު ވޯޓް ލަފައިވާކަމަށް ރިޕޯޓް ކޮށްފައިވޭ. ވޯޓް ލާން ދިޔަ މީހުންގެ ތެރެއިން 1.7 އިންސައްތަ މީހުން ވޯޓު ލީ އެހީތެރިކަމާއި އެކު ، ވޯޓް ލާ މަރުކަޒުގައި 85 އިންސައްތަ ވޯޓް ލުން ހުއްޓިފައިވަނީ ވޯޓް ފޮށީގެ އިސްވެރިޔާގެ އެދުމުގެ މަތިން ، 27 އިންސައްތަ މަރުކަޒު ތަކަަށް ފުލުހުން ވަދެފައިވާއިރު 78 އިންސައްތަ މަރުކަޒުތަކުގައި ފުލުހުން ވޯޓް ލާ މަރުކަޒުތަކަށް ވަދެފައިވަނީ ވޯޓް ލި މަރުކަޒުގެ އިސްވެރިޔާގެ އެދުމުގެ މަތިން،" ތޮލާލް ވިދާޅުވިއެވެ.
ޓްރާންޕޭރެންސީ މޯލްޑިވިސްގެ ފަރާތުން ވަނީ 19 ރައްޔިތުންގެ މަޖިލީސް އިންތިހާބު ކާމިޔާބު ކުރެއްވި ހުރިހާ ބޭފުޅުންނަށް މަރުހަބާ ދަންނަވާފައެވެ.
