ކެންސަރަށް ފަރުވާ ހޯދުމަށް ފަހު އިރުފާން އެނބުރި އިންޑިއާއަށް
އިރުފާން ވަނީ ފޭނުން ދިން ހިތްވަރާއި ލޯތްބަށް ޝުކުރު އަދާކޮށްފައި
އިރުފާން ޚާން
ބޮލީވުޑް އެކްޓަރ އިރްފާން ޚާން ކެންސަރު ބައްޔަށް ފަރުވާ ހޯދުމަށް ފަހު އެނބުރި އިންޑިއާއަށް ދިޔަކަން އޭނާ ވަނީ ޔަގީން ކޮށްދީފައެވެ.
ދާދިފަހުން އިރުފާން ވަނީ މާސްކް އާއި ނުލާ މުމްބާއީ އެއަރޕޯޓުން ޕަޕަރާޒީންނަށް ފެނިގެން ގޮސްފައެވެ.
އިރުފާން އޭނާގެ ޓްވިޓާގައި ލިޔެފައިވާ ކުރު ނޯޓްގައި ވަނީ ފޭނުން ދިން ހިތްވަރާއި ލޯތްބަށް ޝުކުރު އަދާކޮށްފައެވެ.
ކެންސަރު ބައްޔަށް ފަރުވާ ހޯދުމަށްޓަކައި އިރުފާން ލަންޑަނަށް ގޮސްފައިވަނީ މިދިޔަ އަހަރުއެވެ. މިދިޔަ މަހު އެނބުރި އިންޑިއާއަށް ދިޔަ ނަމަވެސް އޭނާ މުޅިން ވެސް ފެނިގެން ގޮސްފައިވަނީ މޫނު ނިވާކޮށްގެން ހުއްޓައެވެ. ނަމަވެސް ފުރަތަމަ ފަހަރަށް އޭނާ މޫނު ނިވާ ނުކޮށް ހުއްޓާ ފެނިގެން ގޮސްފައިވަނީ މިދިޔަ އަހަރުއެވެ.
ރިޕޯޓްތައް ބުނާގޮތުން އިރުފާން ދެން އެންމެ އަވަހަށް މަސައްކަތް ކުރުމަށް ހަމަޖެހިފައި ވަނީ "ހިންދީ މީޑިއަމް 2" ގައެވެ. މި ފިލްމްގައި އިރުފާން އާއި އެކު ލީޑް ރޯލުން ފެނިގެންދާނީ ކަރީނާ ކަޕޫރު ކަމަށް ރިޕޯޓްތައް ބުނެއެވެ. މި ފިލްމަކީ 2017 ވަނަ އަހަރު ރިލީޒް ކުރި "ހިންދީ މީޑިއަމް" ގެ ސީކުއެލް އެކެވެ. މި ފިލްމްގައި އިރުފާން އާއި އެކު ލީޑް ރޯލުން ފެނިގެން ގޮސްފައިވަނީ ޕާކިސްތާނީ އެކްޓްރެސް ސަބަ ގަމަރެވެ.
