ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ވޯޓުލުމަށް ބޭނުންވާ ސާމާނު އަންގާރަ ދުވަހު ފޮނުވާ ނިމޭނެ ކަމަށް އިލެކްޝަންސް ކަމިޝަން (އޭސީ)އިން ބުނެފިއެވެ.

އީސީގެ ރައީސް މުހައްމަދު ޝަރީފު ވިދާޅުވީ ވޯޓު ފޮށިތަކާއިވޯޓު ފޮށިތަކާއި ވޯޓު ކަރުދާސް އަދި އިންތިޚާބަށް ބޭނުންވާ ސާމާނު އަންގާރަ ދުވަހު ފޮނުވާ ނިމޭނެ ކަމަށެވެ. 

ރައްޔިތުންގެ މަޖިލީހުގެ އިންތިޚާބުގައި ޕްރިންޓް ކޮށްފައި ވަނީ 2،67159 (ދެލައްކަ ފަސްދޮޅަސް ހަތްހާސް އެއްސަތޭކަ ފަންސާސް ނުވަ) ކަރުދާސްކޮޅެވެ. އަދި އިންތިޚާބުގައި ވޯޓުލުމަށް 501 ވޯޓު ފޮށި ބަހައްޓާއިރު އަތޮޅުތެރޭގައި ބަހައްޓަން ނިންމާފައިވަނީ 307 ވޯޓް ފޮއްޓެވެ. އޭގެ ތެރޭގައި ހިމެނެނީ މާލޭގައި 144 ވޯޓް ފޮއްޓާއި ރިސޯރޓް ތަކުގައި 33 ވޯޓް ފޮށި އަދި ޖަލުތަކުގައި 5 ފޮށި، ސިނާއީ މަސައްކަތް ކުރާ ތަންތަނުގައި 4 ފޮއްޓާއި  ބޭރު ޤައުމުތަކުގައި 8 ވޯޓް ފޮއްޓެވެ.

 މިފަހަރުގެ އިންތިޚާބުގައި 264،589 މީހުންނަށް ވޯޓު ލުމުގެ ހައްގު ލިބިފައިވެއެވެ. އިންތިޚާބުގައި 386 ކެންޑިޑޭޓުން 87 ދާއިރާއަކަށް ވާދަކުރެއެވެ.