އައިހެވަން ޕްރޮޖެކްޓަކީ ކުރެވޭނެކަމެއް ތޯ މިދަނީ ބަލަމުން: ސޯލިހު
ކައުންސިލްގެ އިހުތިސާސްގައި ހިމެނޭ ތަންތަނުގެ މަންފާއިން 40 އިންސައްތަ ޚާއްސަވާނީ ކައުންސިލްތަކަށް
އުތީމުގައި ކުރިއަށްދިޔަ ޖަލްސާ
އައިހެވަން ޕްރޮޖެކްޓަކީ ކުރެވޭނެކަމެއް ތޯ ބައްލަވަމުން ގެންދަވާ ކަމަށް ރައީސުލްޖުމްހޫރިއްޔާ އިބުރާހިމް މުހައްމަދު ސާލިހު ވިދާޅުވެއްޖެއެވެ.
ހއ. އިހަވަންދޫގައި ވާހަކަފުޅު ދައްކަވަމުން ރައީސް ސާލިހު ވިދާޅުވީ، ވައުދެއްވާނަމަ އެކަމަކީ ފުރަތަމަ ކުރެވޭނެކަމެއް ތޯ ބައްލަވަން ޖެހޭ ކަމަށެވެ. އައި ހެވަން މަޝްޜޫއަކީ ކުރީގެ ސަރުކާރުން އިހަވަންދިއްޕޮޅުގެ ރައްޔިތުންނަށް ވީ ވައުދެއް ކަމަށާއި، އެކަމަކު ވައުދެއް ވާންވާނީ ވަރަށް ބޮޑަށް ބައްލަވާ އެކަމަކީ ކޮށްދެވޭނެ ކަމަކަށް ވާނަމަކަމަށް އެމަނިކުފާނު ވިދާޅުވިއެވެ.
ރައީސް ވިދާޅުވީ، އިހަވަންދިއްޕޮޅުގައި ވެސް ތަރައްގީގެ ގިނަ މަޝްޜޫއުތަކެއް ބަޖެޓްގައި ހިމެނޭ ކަމަށެވެ. އަދި އިހަވަންދޫ ދާއިރާގައި ހިމެނޭ ރައްތަކަށް ވެސް ތަރައްގީގެ ގިނަ މަޝްރޫއުތައް މިއަހަރުގެ ތެރޭގައި ފެށިގެންދާނެ ކަމަށް ވިދާޅުވިއެވެ.
ރައީސް ސާލިހު ވިދާޅުވީ، ލާމަރުކަޒީ ނިޒާމުން ގައުމު ތަރައްގީ ކުރުމަކީ މި ސަރުކާރުގެ ވައުދެއް ކަމަށެވެ. އަދި ކައުންސިލްތައް ބާރުވެރިކުރުވުމަށް މުހިއްމު އެތައް ކަމެއް ހިމެނޭ ބިލެއް މިހާރު ވާނީ މަޖިލީހަށް ފޮނުވާފައި ކަމަށް ރައީސް ވިދާޅުވިއެވެ.
"މި ރާއްޖެ ލާމަރުކަޒީ ނިޒާމުން ހިންގުމަށް، މިހާރު އެވަނީ ލާމަރުކަޒީ ގާނޫނު އިސްލާހު ކުރެވި މިހާރު އެވަނީ މަޖިލީހަށް ފޮނުވިފައި، ކައުންސިލްގެ އިހުތިސާސްގައި ހިމެނޭ ތަންތަނުގެ މަންފާއިން 40 އިންސައްތަ ޚާއްސަވާނީ ކައުންސިލްތަކަށް. މުޅި ބަޖެޓްގެ 55 އިންސައްތަ ކައުންސިލްތަކަށް ދޫކުރާގޮތަށް ވާނީ ހުށައަޅާފައި" ރައީސް ވިދާޅުވިއެވެ.
މީގެ އިތުރުން ރައީސް ސާލިހު ވިދާޅުވީ، އަންހެނުން ސިޔާސީ މައިދާނަށް ނެރުމަށް 33 ޕަސެންޓް ކައުންސިލްތަކަށް ދޭން ވާނީ ލާމަރުކަޒީ ގާނޫނުގައި ހުށައަޅާފައި ކަމަށެވެ.
"އެތައް ގާނޫނެއް އޮތީ ހަދަން ޖެހިފައި މަޖިލީހުގެ އަޣުލަބިއްޔަތު ސަރުކާރަށް އޮތުން މުހިއްމު. ވީ ވައުދުތައް ފުއްދައިދިނުމަށް އެމްޑީޕީގެ އެޖެންޑާ 19 އަށް ވޯޓް ދެއްވާ" ރައީސް ވިދާޅުވިއެވެ.
ރައީސް ވިދާޅުވީ އިހަވަންދިއްޕޮޅަކީ ވަރަށް މުހިއްމު އިސްކަމެއްދީގެން މި ސަރުކާރުން ތަރައްގީ ކުރާނެ ސަރަހައްދެއް ކަމަށް ވިދާޅުވިއެވެ. އަދި އިހަވަންދިއްޕޮޅުގައި އަޅާ، އައިހެވަން އަކީ ކުރިއަށް ގެންދެވޭނެ ޕްރޮޖެކްޓެއްތޯ ބައްލަވަމުންގެންދަވާ ކަމަށް ވެސް ވިދާޅުވިއެވެ. އަދި ކުރެވޭނެފަދަ ކަމެއްނަމަ އެކަން ވެސް ކުރައްވާނެ ކަމަށް ވިދާޅުވިއެވެ.
