ވެލާނާ އިންޓަރނޭޝަނަލް އެއާޕޯޓުން މަސްތުވާތަކެއްޗާއެކު މީހަކު ހައްޔަރުކޮށްފިއެވެ.
ފުލުހުން ބުނީ މަސްތުވާތަކެއްޗާއި ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން ހުޅުމާލޭ ޕޮލިސް ސްޓޭޝަނާއި އިންޓެލިޖެންސް ގުޅިގެން ހިންގި އޮޕަރޭޝަނެއްގައި ހައްޔަރުކުރީ 36 އަހަރުގެ ދިވެހި ފިރިހެނެއް ކަމަށެވެ.
ފުލުހުން ބުނީ މިމީހާގެ އަތުން މަސްތުވާތަކެތި އަތުލައިގަތީ ވެލާނާ އިންޓަރނޭޝަނަލް އެއާޕޯޓުން މީހަކު ކާޑެއްދުއަށް ގިނައަދަދެއްގެ މަސްތުވާތަކެތި ގެންދަން އުޅޭކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން ހިންގި މިއޮޕަރޭޝަންގައިކަމަށެވެ.
ފުލުހުން ބުނީ މިމަހުގެ 19 ވަނަ ދުވަހުގެ ހެނދުނު 10:44 ހާއިރު ހިންގި މިއޮޕަރޭޝަނުގައި ވެލާނާ އިންޓަރނޭޝަނަލް އެއާޕޯޓުން، ކޯޓު އަމުރެއްގެ ދަށުން މިމީހާ ހައްޔަރުކޮށް ބަލައިފާސްކުރިއިރު މަސްތުވާތަކެތިކަމަށް ޝައްކުކުރެވޭ އެއްޗެއް އަޅާފައިހުރި ޖޫސްޕެޓީ ދެ ކޮތަޅު އެމީހާގެ އަތުން ފެނިފައިފައިވާ ކަމަށެވެ.
މިމައްސަލަ ހުޅުމާލޭ ޕޮލިސް ސްޓޭޝަނުންދަނީ އިތުރަށް ތަޙުޤީޤު ކުރަމުންނެވެ.
