ކައިވެންޏަށް ފަހު ފުރަތަމަ ފަހަރަށް ދިޕިކާ އާއި ރަންވީރު އިޝްތިހާރަކުން

މިދިޔަ ނޮވެމްބަރު މަހުގެ ކައިވެނި ކުރި ބޮލީވުޑްގެ ދެ ތަރިން ކަމަށްވާ ދިޕިކާ ޕަދުކޯން އާއި ރަންވީރު ސިންގް ފުރަތަމަ ފަހަރަށް އިޝްތިހާރެއް ކުޅެން އުޅޭ ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާ ގޮތުން މި ޖޯޑު ކުޅުމަށް ހަމަޖެހިފައިވަނީ އިލެކްޓްރޯނިކް ބްރޭންޑެއްގެ އިޝްތިހާރެއް ކަމަށެވެ. ކުރިން މި އިޝްތިހާރު ކުޅުމަށް ހަމަޖެހިފައިވަނީ އަމީތާބް ބަޗަން ކަމަށާއި ނަމަވެސް މިހާރު އަމީތާބްގެ ބަދަލުގައި މި އިޝްތިހާރުން ފެނިގެން ދާނީ މި ޖޯޑު ކަމަށް ރިޕޯޓްތައް ބުނެއެވެ.

މިދިޔަ ހަފްތާގައި ދިޕިކާ އާއި ރަންވީރު ވަނީ "މެޑަމް ތުސައުޑްސް" މިއުޒިއަމްގައި ހުރި ދިޕިކާގެ ވެކްސް ސްޓެޗޫގެ ފުރަތަމަ ދައްކާލުމުގައި ބައިވެރި ވުމަށް ލަންޑަނަށް ގޮސްފައެވެ.

ރަންވީރު ވަނީ ސްޓެޗޫއާއެކު ނަގާފައިވާ ގިނަ ފޮޓޯތައް ޕޯސްޓް ކޮށްފައެވެ. އަދ ފޮޓޯތަކުގެ ކެޕްޝަންގައި "ޑީޕީ 2.01 އޮރިޖިނަލް" ލިޔެފައި ވެއެވެ.