މާލޭގައި ދުއްވާފަ ދިޔަ ސައިކަލެއްގައި އަލިފާން ރޯވެއްޖެ
14 މާރިޗު 2019 | ބުރާސްފަތި 14:38އެއްވެސް މީހަކަށް އަނިޔާއެއް ނުލިބޭ
އަމްނާ އިމާދު | 14 މާރިޗު 2019 | ބުރާސްފަތި 14:38
ސައިކަލުގައި އަލިފާން ރޯވެފައި
މާލޭގައި ދުއްވާފަ ދިޔަ ސައިކަލެއްގައި އަލިފާން ރޯވެއްޖެއެވެ.
މަންޒަރުދުށް މީހަކު ރާއްޖެއެމްވީއަށް ބުނީ ބުލޫކިޔާ މަގު ހުނޅަގު ކޮޅުން ދުއްވާފައި ދިޔަ ސައިކަލެއްގައި އަލިފާން ރޯވީ ބުރާސްފަތި ދުވަހުގެ ރޭ 7:00 ހާއިރު ކަމަށެވެ.
އެމީހާ ބުނީ ފުލުހުންނާ ސިފައިން އެސަރަހައްދަށް އައިރު ކައިރި ގެއަކުން ފެންޖަހާ ސައިކަލުގަ ރޯވި އަލިފާން ނިއްވާލާފައިވާ ކަމަށާއި، އެސައިކަލު ވަރަށް ބޮޑަށް ގެއްލުން ލިބިފައިވާ ކަމަށެވެ.
ސައިކަލުގައި ދެމީހުން ތިބިއިރު އެއްވެސް މީހަކަށް ޖިސްމާނީ އަނިޔާއެއް ނުލިބޭ ކަމަށް ވެސް އެމީހާ ބުންޏެވެ.
