ސިފައިންގެ ވަޒީފާއަށް އެދޭ ފޯމް ހުށައެޅުމުގެ މުއްދަތު އިތުރުކޮށްފި
7 މާރިޗު 2019 | ބުރާސްފަތި 03:38އިތުރު ކޮށްފައިވަނީ މި މަހުގެ 14 ވަނަ ދުވަހާއި ހަމަޔަށް
ސިފައިންގެ އޮފިސަރުންތަކެއް -- އެމްއެންޑީއެފް
ދިވެހިރާއްޖޭގެ ގައުމީ ދިފާއިބާރުގެ ވަޒީފާ އަށް އެދި ފޯމް ހުށައެޅުމުގެ މުއްދަތު އިތުރު ކޮށްފިއެެވެ.
ސިފައިންގެ ވަޒީފާއަށް ވަނުމުގެ ފުރުޝަތު މިނިސްޓްރީ އޮފް ޑިފެންސް އިން އާއްމުކޮށް ހުޅުވާލަފައިވަނީ ، މިދިޔަ މަހުގެ 14 ވަނަ ދުވަހުއެވެ. އޭގެ ފަހުން ފޯމް ހުށައެޅުމުގެ ފުރުޝަތު ވަނީ، މި މަހުގެ ފަސް ވަނަ ދުވަހަށް އިތުރުކޮށްފައެެވެ.
އަންގާރަ ދުވަހު ޑިފެންސް މިނިސްޓަރީން ކުރި އިއުލާނެއްގައި ބުނީ ، ފެބްރުއަރީގެ އިއުލާނާއި ގުޅިގެން ވަޒީފާއަށް އެދި ފޯމް ހުށައެޅުމުގެ ފުރުޝަތު މި މަހުގެ 31 ވަނަ ދުވަހުގެ 14:00 އާ ހަމައަށް އިތުރުކޮށްފައިވާ ކަމަށެވެ.
ޑިފެންސް މިނިސްޓްރީން ބުނީ ، ވަޒީފާއަށް އެދި ހުށަހެޅުމުގެ މުއްދަތު އިތުރުކުރުމާއި ގުޅިގެން އިޢުލާންގެ ބޭނުމަށް ޢުމުރު ފުރާ ބަލާނެ ތާރީޚަކީ 1 އެޕްރީލު 2019 ކަމަށެވެ. އަދި މީގެ އިތުރުން ކުށުގެ ރެކޯޑް ބަލާފޯމް ހުށަހަޅަން ނުޖެހޭ ގޮތަށް ވެސް ހަމަޖައްސާފައިވާކަމަށް ވެސް އެ އިއުލާނުގައިވެއެވެ.
ސިފައިންގެ ވަޒީފާ އަށް ވަދެވޭނީ އުމުރުން 18 އަހަރު ފުރި 25 އަހަރާއި ދެމެދުގެ ފަރާތްތަކަށެވެ.
ވަޒީފާއަށް ވަނުމުގެ ފުރުޝަތު ހުޅުވާލާފައި ވަނީ 10 ދާއިރާ އަަކަށެވެ. އެއީ މެރިންކޯރ، ސްޕެޝަލް ފޯސަސް، ފަޔަރ އެންޑް ރެސްކިޔު ސަރވިސް، ސްޕެޝަލް ޕްރޮޓެކްޝަން ގްރޫޕް، މިލިޓަރީ ޕޮލިސް، މެޑިކަލް ސަރވިސް، މިލިޓަރީ އިންޖިނިއަރސް، އިލެކްޓްރިކަލް އެންޑް މެކޭނިކަލް އިންޖިނިއަރސްގެ އިތުރުން ސަރވިސް ކޯ އަދި ކޯސްޓްގާޑުގެ ދާއިރާއެވެ.
