ރާއްޖެ
މާރާމާރީ ހިންގުން
ފަރެސްމާތޮޑާގައި މާރާމާރީ ހިންގި ހަތަރު މީހަކު ހައްޔަރު ކޮށްފި
މި ހަތަރު މީހުން ހައްޔަރު ކޮށްފައިވަނީ ހޯމަދުވަހުގެ ރޭ
އަޒްލިފާ އަބްދުﷲ, ރާއްޖެ އެމްވީ | 4 މާރިޗު 2019 | ހޯމަ 17:47
ގދ. ފަރެސްމާތޮޑާ
ގދ. ފަރެސްމާތޮޑާގައި ހިންގި މާރާމާރިއަކާ ގުޅިގެން ހަތަރު މީހަކު ހައްޔަރު ކޮށްފިއެވެ.
ފުލުހުން ބުނީ އާދިއްތަ ދުވަހުގެ ރޭ ފަރެސްމާތޮޑާގައި މާރާމާރީ ހިންގާފައި ވަނީ އެ ރަށުގެ ދެ އަވަށުގެ ބައެއްގެ މެދުގައި ކަމަށެވެ. އެގޮތުން މާތޮޑާ އަވަށުގެ 21 އަހަރުގެ ޒުވާނެއްގެ ގައިގައި، އެ ރަށު ފަރެސް އަވަށަށް ނިސްބަތްވާ ހަތަރު މީހަކުވެގެން މާރާމާރީ ހިންގުމަށްފަހު ފިލާފައިވާ ކަމަށެވެ.
މާރާމާރީ ހިންގުމަށްފަހު ފިލި ހަތަރު މީހުން ހައްޔަރު ކޮށްފައި ވަނީ ގދ. ނަޑެއްލާގައި ފިލައިގެން އުޅެނިކޮށް، ކޯޓު އަމުރެއްގެ ދަށުން ކަމަށް ފުލުހުން ބުންޏެވެ.
އެ މާރާމާރީގައި 21 އަހަރުގެ މީހާއަށް ސީރިއަސް ޒަހަމްތަކެއް ލިބިފައި ނުވާ ކަމަށް ފުލުހުން ބުންޏެވެ.
