ތަހުޒީބު އަޚުލާގީ މުޖުތަމައު ޝިއާރުގެ ދަށުން ވާރކްޝޮޕެއް ބާއްވައިފި
ވާރކްޝޮޕް ކުރިއަށް ގެންގޮސްފައިވަނީ 4 ސެޝަނަކަށް ބަހާލައިގެން
އަހުމަދިއްޔާ އިންޓަރނޭޝަނަލް ސްކޫލްގެ ދަރިވަރުން ތަކެއް
"ތަހުޒީބު އަޚުލާގީ މުޖުތަމައު" މި ޝިއާރުގެ ދަށުން މިނިސްޓްރީ އޮފް އިސްލާމިކް އެފެއާޒާއި އަހުމަދިއްޔާ އިންޓަރނޭޝަނަލް ސްކޫލާއި ގުޅިގެން ވާރކްޝޮޕެއް ކުރިއަށް ގެންގޮސްފައިވާ ކަމަށް އެ މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ މި ވާރކްޝޮޕަކީ އަހުމަދިއްޔާ ސްކޫލުގެ ގުރޭޑް 10 ގެ ދަރިވަރުންނަށް އަމާޒު ކޮށްގެން ކުރިއަށް ގެންގޮސްފައިވާ ވާރކްޝޮޕެކެވެ.
މި ވާރކްޝޮޕްގައި އިސްލާމްދީނުގެ އަސާސީ މުހިންމު މައުލޫމާތު ތަކެއް ދީފައިވާ ކަމަށާއި ދަރިވަރުންގެ ކިބައިގައި އަޚުލާގީ ރިވެތި ސިފަތައް އަށަގެންނެވުމާއި ދަރިވަރުންގެ އަގީދާ ހަރުދަނާ ކުރުމަށް ކުރެވިދާނެ ކަންކަމާއި ބެހޭގޮތުން މައުލޫމަތު ދީފައިވާ ކަމަށް ވެސް އެ މިނިސްޓްރީން މައުލޫމާތު ދެއެވެ.
މި ވާރކްޝޮޕްގައި ދަރިވަރުންނަށް މައުލޫމާތު ދީފައިވަނީ ޑރ. ސައުދުﷲ އަލީ އާއި، ޑރ. އަބްދުއްސައްތާރު އަބްދުއްރަހުމާންއާއި، އައްޝައިޚް އަބްދުލް އަޒީޒު ހުސެއިންގެ އިތުރުން އައްޝައިޚް ނިމާލް އަހުމަދެވެ.
ވޯކްޝޮޕް 4 ސެޝަނަކަށް ބަހާލައިގެން ކުރިއަށް ގެންގޮސްފައިވާއިރު 100 ދައިވަރުން ބައިވެރި ވެފައިވާ ކަމަށް އިސްލާމިކް މިނިސްޓްރިން މައުލޫމާތު ލިބެއެވެ.
