ރޯޔަލް ޖޮޑޭނިއަންގެ ފްލައިޓްތައް ރާއްޖެއަށް ފަށަނީ!
މިފްލައިޓްތައް ބާއްވަން ފަށާނީ 2019 ވަނަ އަހަރުގެ ފަހުކޮޅު
ރޯޔަލް ޖޮޑޭނިއަން
ހުޅަނގު އޭޝިއާގެ ޤައުމެއް ކަމަށްވާ އުރުދުންގެ ޤައުމީ އެއަރލައިންގެ ޗާރޓަރު ފްލައިޓްތައް ރާއްޖެއަށް ފައްޓަން ތައްޔާރުވެއްޖެއެވެ.
އުރުދުންގެ "ރޯޔަލް ޖޮޑޭނިއަން"ގެ ފްލައިޓްތައް ރާއްޖެއަށް ދަތުރު ކުރުމަށް ހަމަޖެހިފައިވަނީ 2019 ވަނަ އަހަރުގެ ފަހުކޮޅުގައެވެ. ހަބަރުތައް ބުނާ ގޮތުން މިފްލައިޓްތައް ބާއްވަން ފަށާނީ 2019 ވަނަ އަހަރުގެ ސެޕްޓެމްބަރ އަދި އޮކްޓޯބަރ ގައެެވެ.
މިދަތުރުތައް ކުރުމަށް ހަމަޖެހިފައިވަނީ އުރުދުންގެ އަމާން ކުއީން އެލިއާ އިންޓަރނޭޝަނަލް އެއަރޕޯޓުން ވެލާނާ އިންޓަރނޭޝަނަލް އެއަޕޯޓަށެވެ. މިދަތުރުތައް ކުރުމަށް ހަމަޖެހިފައިވަނީ ބޮއިން 8787 މަރުކާގެ ބޯޓް ފަހަރުގައެވެ.
އުރުދުންގެ މެދުއިރުމަތީ ސަރަހައްދުން ރާއްޖެއަށް އެންމެ ގިނައިން ފަތުރުވެރިން އަންނަ އެއް ހިސާބު ކަމަށް ތަފާސް ހިސާބުތަކުން ދައްކައެެވެ. އެގޮތުން 2018 ވަނަ އަހަރު ވަނީ 52،000 ފަތުރުވެރިން ވަނީ ރާއްޖެއަށް ޒިޔާރަތް ކޮށްފައެވެ.
ވެލާނާ އިންޓަރނޭޝަނަލްގެ އައު ރަންވޭއާއި އެކު ރާއްޖެއަށް އަންނަ ފަތުރުވެރިން އިތުރުވެގެންދާއިރު، ބައިނަލްއަޤްވާމީ ގިނަ މަންޒިލްތަކުން ރާއްޖެއަށް ދަތުރުތައް ފަށާނެއެވެ.
