ހޯމް މިނިސްޓަރު ޝައިޚް އިމްރާން އަބްދުﷲ ހއ. ހޯރަފުއްޓަށް ވަޑައިގެންފިއެވެ.
މިނިސްޓަރު އިމްރާން އެރަށަށް ވަޑައިގެންނެވުމުން އާންމު ރައްޔިތުން ވަނީ އެމަނިކުފާނަށް ހޫނު މަރުހަބާއެއް ދަންނަވާފައެވެ.
ހޯމް މިނިސްޓްރީން ބުނީ މިނިސްޓަރު އިމްރާން ބުރާސްފަތި ދުވަހުގެރޭގެ ވަގުތެއްގައި ހޯރަފުއްޓަށް ވަޑައިގެންނެވީ ޔޫތު ލީޑަރސް ނެޓްވޯރކްގެ މި ދައުރުގެ ފުރަތަމަ މަސައްކަތު ބައްދަލުވުން އިފްތިތާހުކުރެއްވުމަށް ކަމަށެވެ. އަދި މިއީ ދެދުވަހުގެ ދަތުރުފުޅެއް ކަމަށް ހޯމް މިނިސްޓްރީން ބުންޏެވެ.
ހޯމް މިނިސްޓްރީން ބުނީ ހއ.އަތޮޅު މަދަރުސާގައި ޒުވާނުންނާއި މީޑިއާ މަސައްކަތު ބައްދަލުވުން ހުކުރު ދުވަހުގެ ހަވީރު 16:15 ގައި ފެށޭނެ ކަމަށެވެ. މިމަސައްކަތު ބައްދަލުވުމުގައި 7 ސެޝަންއެއް ކުރިއަށްދާއިރު، މުހިންމު މައުލޫމާތުތަކެއް ބައިވެރިންނަށް ލިބޭނެ ކަމަށް ހޯމް މިނިސްޓްރީން ބުންޏެވެ.
