އިންތިޚާބުގައި ވާދަކުރާ ކެންޑިޑޭޓުން މާދަމާގެ 16:00ގެ ކުރިން ފޯމް ހުށައެޅުމަށް ހަނދާންކޮށްދީފި
20 ފެބުރުއަރީ 2019 | ބުދަ 19:32ކެންޑިޑޭޓުންގެ ގުރުއަތުލައި ނަން ތަރުތީބު ކުރުން މިމަހުގެ 27 ގައި
ކޮމިޝަންގެ ރައީސް ޝަރީފް
ކުރިޔަށް އޮތް 19 ވަނަ ރައްޔިތުންގެ މަޖިލީހުގެ އިންތިހާބުގައި ވާދަކުރާ ކެންޑިޑޭޓުންނަށް ކެންޑިޑެސީ ފޯމް ބުރާސްފަތި ދުވަހުގެ 16:00 ގެ ކުރިން ފޯމް ހުށައެޅުމަށް އިލެކްޝަންސް ކޮމިޝަނުން ހަނދާންކޮށްދީފިއެވެ.
އިލެކްޝަންސް ކޮމިޝަންގެ ރައީސް އަހުމަދު ޝަރީފް ކުރެއްވި ޓްވީޓެއްގައި ވިދާޅުވީ މަޖިލިސް އިންތިޚާބުގައި ވާދަކުރެއްވުމަށް ބުދަ ދުވަހުގެ ނިޔަލަށް 366 ކެންޑިޑޭޓުން ފޯމް ހުޅަހަޅާފައިވާ ކަމަށެވެ.
މީގެ އިތުރުން ޝަރީފް ވިދާޅުވީ ކެންޑިޑޭޓުންގެ ގުރުއަތުލައި ނަން ތަރުތީބު ކުރުން 27 ފެބްރުއަރީގައި އޮންނާނެ ކަމަށެވެ.
އިންތިޚާބުގައި ވާދަކުރައްވަން ބޭނުންވާ ކެންޑިޑޭޓުންނަށް ކުރިމަތިލުމުގެ ފުރުސަތު ހުޅުވާލާފައިވަނީ ބުރާސްފަތި ދުވަހުގެ 16:00 އަށްށެވެ.
މަޖިލިސް އިންތިޚާބުގައި ވޯޓުލުމަށް ރީރެޖިސްޓްރޭޝަނަށް މިހާރު ވަނީ ހުޅުވާލާފައެވެ. ނަމަވެސް ނިމިދިޔަ ރިޔާސީ އިންތިހާބުގައި އެ މީހަކު ވޯޓްލީ ތަން ބަދަލު ނުވާނަމަ މި ފަހަރުގެ އިންތިހާބަށް ރީރެޖިސްޓްރީވާން ނުޖެހޭނެއެވެ.
އަންނަ އޭޕްރީލް މަހުގެ 6 ވަނަ ދުވަހު ބޭއްވުމަށް ހަމަޖެހިފައިވާ މަޖިލީހުގެ އިންތިޚާބުގައި ވޯޓު ލުމުގެ ހައްގު 264،589 މީހުންނަށް ލިބިފައިވެއެވެ.
