ލިވަޕޫލް ބަލިކުރަން ބޭނުން ނަމަ ރަނގަޅު ޑިފެންސެއް ކުރުން މުހިއްމު ކަމަށް ބަޔާން މިއުނިކްގެ ކޯޗް ނިކޯ ކޮވާކް ބުނެފިއެވެ.
ނޫސްވެރިންނާ ވާހަކަ ދައްކަމުން ކޯޗް ކޮވާކް ބުނީ ކުރިއަށް އޮތް މެޗުގައި ޑިފެންސް ވަރުގަދަ ކުރުން މުހިއްމު ކަމަށާއި، ޑިފެންސް ވަރުގަދަ ނުކޮށްފި ނަމަ ޓީމަށް ބޮޑު ޕްރެޝަރަކާ ކުރިމަތިވާނެ ކަމަށެވެ.
ކޯޗް އިތުރަށް ބުނީ ބޯޅަ ކޮންޓްރޯލް ކޮށްގެން ކުޅުން މުހިންމު ކަމަށާއި، އަނެއް ޓީމަށް ބޯޅަ ގެންގުޅުމުގެ ފުރުސަތު ދީފި ނަމަ ނުރައްކާ ވާނެ ކަމަށެވެ. އަދި ޗެމްޕިއަންސް ލީގުގައި ކުޅޭ ހުރިހާ ޓީމްތަކަކީ ވެސް ކުއްލި ހަމަލާ ދިނުމުގެ ގާބިލިއްޔަތުކަން ލިބިފައިވާ ވަރުގަދަ ޓީމުތަކެއް ކަމަށެވެ.
ކުޅުންތރިންނަށް ނަސޭހަތްތެރި ވަމުން ކޮވޯކް އިތުރަށް ބުނީ، ގޯސް ހެދޭނެ ކަމަށާއި އެކަމަކު ހެދޭ އެންމެ ގޯހަކުން އަނެއް ޓީމު ގޯލް ޖަހާފާނެ ކަމަށެވެ. އެހެން ކަމުން ހުރިހާ ކުޅުންތެރިން ވެސް ނޭނގި ހެދޭ ގޯސްތައް މަދު ކުރަން ވާނެ ކަމަށެވެ.
ނިކޯ ކޮވާކް ބަޔާން މިއުނިކްއާ ހަވާލުވީ ނިމިގެންދިޔަ 2008 ވަނަ އަހަރުއެވެ. ޖާރުމަނަށް އުފަން ކޮވާކް ވަނީ ޖަރުމަން ކަޕް އެއްފަހަރު، ޖަރުމަން ސުޕަ ކަޕް އެއްފަހަރު ހޯދާފައެވެ.
ބަޔާން މިއުނިކް މިވަގުތު އޮތީ ގްރޫޕް އީގެ އެއްވަނާގައެވެ.
