ކ. މާލެ
|
11 ފެބްރުއަރީ 2019 | ހޯމަ 08:25
ބާސާ އާއި އެތުލެޓިކް ކްލަބް ބައްދަލުކުރި މެޗުގެ ތެރެއިން
ބާސާ އާއި އެތުލެޓިކް ކްލަބް ބައްދަލުކުރި މެޗުގެ ތެރެއިން
ޓްވިޓަރ
ސްޕެނިޝް ލަލީގާ
ސްޕެނިޝް ލަލީގާ: އެތުލެޓިކް ކްލަބްއާ އެއްވަރުވެ ބާސާއިން ފުރުސަތު ނަގާލައިފި
 
ބާސާ އާއި އެތުލެޓިކް ކްލަބް ބައްދަލުކުރި މެޗު ނިމުނީ 0-0 އިން

ސްޕެނިޝް ލަލީގާގައި އެތުލެޓިކް ކްލަބްއާ އެއްވަރުވެ، ޕޮއިންޓް ތާވަލުގެ އެއްވަނައިގައި ލީޑު ނެގުމަށް ލިބުނު ފުރުސަތު ބާސެލޯނާއިން ނަގާލައިފިއެވެ.

އާދީއްތަ ދުވަހުގެ ރޭ ބާސާ އާއި އެތުލެޓިކް ކްލަބް ބައްދަލުކުރި މެޗު ނިމުނީ 0-0 ގެ ނަތީޖާއިން އެއްވަރުވެގެންނެވެ.

އެތުލެޓިކް ކްލަބް ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅުނީ ބާސާއިންނެވެ. އެގޮތުން އެޓީމުން ވަނީ އެތުލެޓިކް ކްލަބްގެ ގޯލަށް ނުރައްކާކޮށް ގިނަ ހަމަލާތައް ފޮނުވާލާފައެވެ.

މި ހާފްގައި އެތުލެޓިކް ކްލަބްގެ ފަރާތުންވެސް ވަނީ ހަމަލާތަކެއް ފެނިގެންގޮސްފައެވެ. ނަމަވެސް އެ ހަމަލާތަކުގެ ބޭނުން އެންމެ އެދެވޭ ގޮތެއްގައި އެޓީމަށް ހިފިފައެއް ނުވެއެވެ.

ދެވަނަ ހާފް ފެށިގެން ބާސާއިން އެޓީމުގެ އެޓޭކްތައް ވަރުގަދަކުރި ނަމަވެސް އެތުލެޓިކް ކްލަބުން ވަނީ މޮޅު ޑިފެންސެއްކޮށް ބާސާގެ ހަމަލާތައް ދިފާއުކޮށްފައެވެ.

މި ހާފްގައިވެސް އެތުލެޓިކް ކްލަބްގެ ފަރާތުން ގިނަ ހަމަލާތަކެއް ފެނިގެންދިޔައިރު، ލަނޑު ޖެހުމަށްވެސް ފުރުސަތުތަކެއް ލިބި ވަނީ ބޭކާރުވެފައެވެ.

މި ނަތީޖާއާއެކު ބާސާ އޮތީ ކުޅުނު 23 މެޗުން ލިބުނު 51 ޕޮއިންޓާއެކު ޕޮއިންޓް ތާވަލުގެ އެއްވަނައިގައެވެ. މެޗުން އެޓީމު މޮޅުވިނަމަ 53 ޕޮއިންޓާއެކު ޕޮއިންޓް ތާވަލުގެ އެއްވަނައިގައި 8 ޕޮއިންޓްގެ ލީޑެއް ނެގޭނެއެވެ. ދެވަނައިގައި އޮތް ރެއާލް މެޑްރިޑަށް 23 މެޗުން ލިބިފައިވަނީ ލިބިފައިވަނީ 45 ޕޮއިންޓެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް