އެމްއާރްއެމް އުފައްދަން އިލެކްޝަންސް ކޮމިޝަނަށް ފޯމު ހުށައަޅައިފި
10 ފެބުރުއަރީ 2019 | އާދީއްތަ 05:29ފޯމު ހުށައެޅީ 10 ފެބްރުއަރީގައި
ކުރީގެ ރައީސް މައުމޫނު އަބްދުލް ޤައްޔޫމް
ކުރީގެ ރައީސް މައުމޫނު އަބްދުލް ޤައްޔޫމު އިސްވެ ހުންނަވައި އުފައްދަވާ ޕާޓީ "މޯލްޑިވްސް ރިފޯރމް މޫވްމަންޓް" (އެމްއާރްއެމް) އުފެއްދުމުުގެ ހުއްދައަށް އެދި އިލެކްޝަންސް ކޮމިޝަނަށް ހުށައަޅައިފިއެވެ.
އާދިއްތަ ދުވަހު އެމްއާރްއެމްއިން ކޮށްފައިވާ ޓްވީޓެއްގައި ބުނެފައިވަނީ ރައީސް މައުމޫނު އިސްވެ ހުންނަވައި އުފައްދަވާ ޕާޓީ އެމްއާރްއެމް އުފެއްދުމަށްޓަކައި ސިޔާސީ ޕާޓީ އުފެއްދުމުގެ ހުއްދައަށް އެދި ހުށައަޅާ ފޯމު އެމްއާރްއެމްގެ ފަރާތުން އިލެކްޝަންސް ކޮމިޝަނަށް ހުށައަޅާފައިވާ ކަމަށެވެ.
ރައީސް މަައުމޫނު އިސްކޮށް ހުންނަވައި ސިޔާސީ ޕާޓީއެއް އުފައްދަވާއިރު، އޭޕްރީލް މަހު ބާއްވާ ރައްޔިތުންގެ މަޖިލީހުގެ އިންތިހާބުގައި ކުރީގެ ރައީސް މައުމޫނުގެ ތާއީދާއެކު މަޖިލީހުގެ 32 ދާއިރާއަކަށް ކެންޑިޑޭޓުން ވާދަކުރާނެ ކަމަށް އެމްއާރުއެމް ގައި އިސްކޮށް ހަރަކާތްތެރިވާ އަބްދުލް އަލީމް ވަނީ ވިދާޅުވެފައެވެ.
