އެކްސިޑެންޓެއްގައި ބޮލަށް އަނިޔާވި ކުޑަ ކުއްޖެއް މާލެ ގެންނަނީ
9 ފެބުރުއަރީ 2019 | ހޮނިހިރު 05:46މިއެކްސިޑެންޓްގައި އަނިޔާވީ އުމުރުން 6 އަހަރުގެ ކުއްޖަކަށް
މީގެ ކުރިން ހިނގި އެކްސިޑެންޓެއްގައި އަނިޔާވި މީހަކު މާލެ ގެންނަނީ
އައްޑޫ ސިޓީގައި ހިނގި ނުރައްކާތެރި އެކްސިޑެންޓެއްގައި ބޮލަށް އަނިޔާވި ކުޑަ ކުއްޖެއް އިތުރު ފަރުވާއަށް މާލެ ގެނައުމަށް މަސައްކަތް ކުރަމުންދާ ކަމަށް އެމްއެންޑީއެފުން ބުނެފިއެވެ.
މިއެކްސިޑެންޓް ހިނގީ ހުކުރު ދުވަހެވެ. މި އެކްސިޑެންޓްއަކީ އައްޑޫ ސިޓީގައި ގާއިމުކޮށްފައިވާ އައިއެމްޑީސީ ކައިރިން މިކުއްޖާ ދުވެފައި ނުކުތް ވަގުތު ސައިކަލެއްގައިޖެހި ހިނގި އެކްސިޑެންޓެއް ކަމަށް ފުލުހުން މައުލޫމާތުދެއެވެ.
އެމްއެންޑީއެފުން ބުނީ ސައިކަލު އެކްސިޑެންޓްގައި ބޮލަށް އަނިޔާވި 6 އަހަރުގެ ފިރިހެން ކުއްޖެއްކަމަށާ އެކުއްޖާ އެމްއެންޑީއެފް ހެލްކަޕްޓަރުގައި މާލެ ގެންނައުމަށް މަސައްކަތް ކުރަމުންދާ ކަމަށެވެ.
އައްޑޫ ސިޓީ ހިތަދޫ ރީޖަނަލް ހޮސްޕިޓަލުގައި ފަރުވާ ދެމުންދިޔަ މިކުޑަ ކުއްޖާ ސިއްހީ އަވަސް ފަރުވާއަށް އެމްއެންޑީއެފް ހެލްކަޕްޓަރުގައި މާލެ ގެނެވޭނީ ހޮނިހިރު ދުވަހު 10:20 ގައި ކަމަށް ބެލެވެއެވެ.
ހެލްކަޕްޓަރު ލޭންޑް ކުރުމަށް ހަމަޖެހިފައިވަނީ މާލޭގެ އުސްފަސްގަނޑަށެވެ.
އުމުރުން 6 އަހަރުގެ ކުއްޖަކަށް އިތުރުފަރުވާއަށް މާލެ ގެންނައިރު، ހުކުރު ދުވަހުގެ މާލޭގައި ހިނގި އެކްސިޑެންޓެއްގައި 16 އަހަރުގެ ދެކުއްޖަކަށް ވެސް ސީރިއަސް އަނިޔާތަކެއް ލިބިގެން އައިޖީއެމްއެޗްގައި އަންނަނީ ފަރުވާ ދެމުންނެވެ.
