މިފްކޯގެ މަސްފިހާރަޔާއި ހެޑް އޮފީސް ފަޅާލައިފި
ފުލުހުންނަށް މައްސަލަ ރިޕޯޓުކޮށްފައިވަނީ ހެނދުނު 7:58 ގައި
ދާނިޝް ނިޡާމް | 6 ފެބުރުއަރީ 2019 | ބުދަ 06:03
މިފްކޯ މަސްފިހާރަ
މޯލްޑިވިސް އިންޑަސްޓްރިއަލް ފިޝަރީޒް ކޮމްޕެނީ ( މިފްކޯ ) ގެ މަސްފިހާރަޔާއި ހެޑް އޮފީސް ފަޅާލައިފިއެވެ.
ރާއްޖެއެމްވީއަށް މައުލޫމާތު ދެއްވަމުން ފުލުހުން ބުނެފައިވަނީ މިކަމުގެ މައުލޫމާތު ލިބިފައިވަނީ ބުދަ ދުވަހުގެ ހެނދުނު 7:58 ގައި ކަމަށާއި އެ މައްސަލަ ފުލުހުން ތަހުގީގުކުރަމުން ދާކަމަށެވެ. މި މައްސަލައިގެ އިތުރު ތަފްސީލެއް ފުލުހުން ހާމައެއް ނުކުރެއެވެ.
މައުލޫމާތު ލިބިފައިވާ ގޮތުގައި މިފްކޯގެ ފިހާރަ ފަޅާލައިފައިވަނީ ބިއްލޫރިގަނޑު ތަޅައިލައިގެންނެވެ . އަދި ހެޑް އޮފީހަށް ވަދެފައިވަނީ ކުޑަދޮރެއް ފަޅާލައިގެންނެވެ. މި މައްސަލައިގައި އެއްވެސް މީހަކު ހައްޔަރު ކޮށްފައެއް ނުވެއެވެ.
