ކ. މާލެ
|
2 އޭޕްރިލް 2017 | އާދީއްތަ 22:23
ރައީސް އޮފީސް
ރައީސް އޮފީސް
އަޒުމޫން އަހުމަދު
ރައީސް އޮފީސް ބަޔާން
އިދިކޮޅު ފަރާތްތަކުން މަސައްކަތް ކުރަނީ ބައިނަލްއަގްވާމީ މީޑިޔާތަކުގެ ސަމާލުކަން ހޯދަން: ރައީސް އޮފީސް
 
ފުލުހުންނާއި ޝަރުއީ އިދާރާ އަކީ މިނިވަން ބައެއް
 
އިދިކޮޅު ފަރާތްތަކުން ސަރުކާރު ޒިންމާދާރު ކުރުމަށް މަސައްކަތެއް ނުކުރޭ

އިދިކޮޅު ސިޔާސީ ފަރާތްތަކުން ގައުމުގެ މަސްލަހަތަށް ވުރެ ބޮޑަށް މަސައްކަތް ކުރަނީ، ބައިނަލްއަގްވާމީ މީޑިޔާތަކުގެ ސަމާލުކަން ހޯދައި، ދޮގު މައުލޫމާތު ފެތުރުމަށް ކަމަށް ސަރުކާރުން ބުނެފި އެވެ.

ރައީސް އޮފީހުން ނެރެފައިވާ ނޫސްބަޔާނެއް ބުނެފައި ވަނީ އިދިކޮޅު ފަރާތްތަކުން ހިންގާ ހަރަކާތްތައް ހުއްޓުވާ، ސަރުކާރުން ބާރު ފޯރުވާކަމަށް ބުނެ އިދިކޮޅު ފަރާތްތަކުން ދައްކަވަމުން ގެންދަވާ ވާހަކަތައް ދޮގުކޮށްފަ އެވެ. ސަރުކާރުން، ވަނީ މަސީހުގެ އިތުބާރު ނެތް ކަމުގެ ވޯޓު ނެގި ދުވަހުގައި މަޖިލީހުގައި އިދިކޮޅު މެންބަރުން، މަޖިލީހުގެ ގަވައިދުން ބޭރުން ކަންކަން ހިންގާފައިވާކަމަށް ބުނެފަ އެވެ. އަދި ގިނަ އަދަދެއްގެ އިދިކޮޅު މެންރަނުން، ނަން އިއްވާ މަޖިލީހުން ބޭރުކުރަން ޖެހުނީ، މިނިވަން ހަމަހަމަ އަދި ދެފުއްފެންނަ ނިޒާމެއްގެ ތެރެއިން މަޖިލީސް ހިންގުމަށް ކަމަށް ރައީސް އޮފީހުން ބުނެ އެވެ.

މިއީ ތާރީހުގައި ވެސް ރައްޔިތުންގެ މަޖިލީހުގެ ނިންމުމުގެ ސައްހަ ކަމާ ގުޅޭ ގޮތުން ރައީސް އޮފީހުން ބަޔާނެއް ނެރުނު ފުރަތަމަ ފަހަރެވެ.

މިހާރު މަޖިލީހުގެ ބައެއް މެންބަރުންނާ ގުޅިގެން ފުލުހުން ތަހުގީގު ކުރަމުންދާ މައްސަލަތަކަކީ، ސައްހަ އެހީގެ މައްޗަށް ބިނާކޮށް ކުރިއަށްގެންދާ މައްސަލަތައް ކަމަށް ރައީސް އޮފީހުން ބުނެ އެވެ. ރާއްޖޭގެ ފުލުހުންގެ އިދާރާ އާއި ޝަރުއީ ނިޒާމަކީ، މިނިވަން މުސްތަގިއްލު ނިޒާމެއް ކަމަށް ރައީސް އޮފީހުގެ ބަޔާނުގައި ވަނީ ފާހަގަކޮށްފަ އެވެ.

މީގެ އިތުރުން، ކުރީގެ ރައީސުލްޖުމްހޫރިއްޔާ މައުމޫން އަބްދުލްގައްޔޫމް ޕީޕީއެމްގެ ނަން ބޭނުން ކުރުން ހުއްޓުވާފައިވަނީ އެމަނިކުފާނަކީ މިހާރު ޕީޕީއެމްގެ މެންބަރެއް ކަމަށް ނުވާތީ ކަމަށް ރައީސް އޮފީހުން ބުނެ އެވެ.

ރައީސު އޮފީހުން މިކަން ހާމަކޮށްފައިވާ އިރު ޕީޕީއެމް މެންބަރު ކަމުން ރައީސް މައުމޫނު ވަކި ކުރައްވާފައިވަނީ، ޕީޕީއެމް ޔާމީން ފެކްޝަނުގެ ސުލޫކީ ކޮމިޓީންނެވެ. 

މިކަމާ ގުޅޭ ގޮތުން ރައީސް އޮފީހުގެ ތަރުޖަމާނު އިބްރާހިމް ހުސައިން ޝިހާބު ވަނީ ސަރުކާރުން އިދިކޮޅު ސިޔާސީ ޕާޓީތަކަށް ގައުމު ތަމްސީލު ކުރުމުގައާއި ރައްޔިތުންނާއި ޑިމޮކްރަސީ ތަމްސީލު ކުރުމުގައިވެސް ޒިންމާދާރުކަމާއެކު ކަންކނަކުރުމަށް ވަނީ ގޮވާލައްވާފަ އެވެ. އިދިކޮޅު ފަރާތްތަކުން ސަރުކާރު ޒިންމާދާރު ކުރުވައި ޖަވާބުދާރީ ކުރުވުމަށް ކުރައްވާ މަސައްކަތްތަކަށް ސަރުކާރުން އަބަދުވެސް މަރުހަބާ ކިޔާ ކަމަށް ސަރުކާރުން ބުނެ އެވެ.

އެހެން ނަމަވެސް ސަރުކާރު ޖަވާބުދާރީ ކުރުވުމުގެ ބަދަލުގައި އިދިކޮޅު ފަރާތްތަކުން ފެނިގެންދަނީ އަމިއްލަ ނަން މަޝްހޫރު ކުރުމަށް ބައިނަލްއަގްވާމީ މީޑިޔާތަކުގެ ސަމާލުކަން ހޯއްދަވާތަން ކަމަށްވެސް ޝިހާބު ވިދާޅުވި އެވެ. އަދި އިދިކޮޅު ފަރާތްތަކާ އެކު އުފެދިފައިވާ ހިޔާލު ތަފާތުވުންތައް ނައްތާލުމަށްޓަކާއި މަޝްވަރާ ކުރުމަށް ސަރުކާރުން ގޮވާލައްވާފައިވާކަން ރައީސް އޮފީހުގެ ބަޔާނުގައިވަނީ ފާހަގަކޮށްފަ އެވެ.

ސަރުކާރުން މިފަދަ ބަޔާނެއް ނެރެފައިވާ އިރު، އިދިކޮޅު ސިޔާސީ އިސް ފަރާތަކުން، ފުލުހަށް ހާޒިރުކޮށް، އެކި ތުހުމަތުތައް ކުރުމުގެ އިތުރުން، ބައެއް ކަހަލަ ބަޔާންތައް އަންނަނީ ނެރެމުންނެވެ. ރައީސް މައުމޫން ޕީޕީއެމް އިން ވަކިކޮށް، އަދި އެޕާޓީގެ ރައީސްގެ މަޤާމުން ވެސް އެމަނިކުފާނު ވަކި ކުރުމުގެ އިތުރުން، ރައީސް މައުމޫން ޕީޕީއެމް ރައީސްގެ ނަމުގައި ހުޅުވާފައިވާ އޮފީސް ކޯޓު އަމުރެއްގެ ދަށުން ވަނީ ބައްދުކޮށްފަ އެވެ. ޕީޕީއެމްގެ ހިންގުމުގެ ގަވައިދު ބުނާ ގޮތުން ޕާޓީގެ ރައީސް ވަކި ކުރުމަށް ގައުމީ ޖަލްސާއެއް ބާއްވަން ޖެހެ އެވެ. އަދި ރައީސް ވަކި ކުރުމަށް، ތިން ބައި ކުޅަ އެއްބައި މީހުންގެ ވޯޓު ބޭނުންވާނެ އެވެ. އެހެން ނަމަވެސް ރައީސް ވަކި ކުރުމަށް ގައުމީ ޖަލްސާއެއް ބާއްވާފަ އެއް ނުވެ އެވެ.

ޕީޕީއެމްގެ ހިންގުމުގެ ބާރު ރައީސް އަބްދުﷲ ޔާމީންގެ ފެކްޝަނުން ނަގާފައިވާއިރު، އަސާސީ ގަވާއިދުގައި ބުނެފައިވާ ގޮތުން ޕާޓީ ހިންގުމުގެ އެއްވެސް މަސްއޫލިއްޔަތެއް މަޝްތަޝާާރަށް ނުއުފުލޭނެ ކަމަށް، ރައީސް މައުމޫނުގެ ފެކްޝަންގެ ބޭފުޅުން ވިދާޅުވެ އެވެ. 

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު