ރާއްޖޭގައި މިހާތަނަށް ހޮވި އެންމެ ބޮޑު މާވަހަރު އަހުމަދު މަނިކު ހޮވައިފި
މާވަހަރު ހޮވާފައިވަނީ މިއަދު ފަތިހު
ރާއްޖޭގައި މިހާތަނަށް ހޮވި އެންމެ ބޮޑު މާވަހަރު ފީވަކަށް އަރުވަނީ
ރާއްޖޭގައި މިހާތަނަށް ހޮވި އެންމެ ބޮޑު މާވަހަރު ށ. ފީވަކު އަހުމަދު ހަސަން ހޮވައިފިއެވެ.
ށ. ފީވަކު ކައުންސިލްގެ ނައިބު ރައީސް އަހުމަދު އާދިލް ރާއްޖެއެމްވީއަށް ވިދާޅުވީ އެރަށު ބްލޫހެވަން އަހުމަދު މަނިކު ހޮވާފައިވަނީ 82 ކިލޯގެ ހުދަންބަރު މާވަހަރެއް ކަމަށެވެ.
އަހުމަދު މަނިކު ހޮވި ހުދަންބަރު މާވަހަރު -- ފޮޓޯ: ރާއްޖެ.އެމްވީ
އަހުމަދު މަނިކަށް މާވަހަރު ފެނިފައިވަނީ އެކަނި މަސްބާނަން އުޅެނިކޮށެވެ. މާވަހަރު ފެނުމާއެކު އެނުނެގިގެން ވާގަނޑެއްގައި ކަފުޖަހައިގެން ރަށަށް ގެނައީކަމަށް އަހުމަދު ހަސަން ބުންޏެވެ.
"ފަތިހު ޑިންގީގައި ވަދު އަޅަން އުޅެނިކޮށް އެކަނި ކަނޑުމަތިން ފެނުނީ.އަމއިްލައަށް ނުނެގިގެން ވާގަނޑެއްގައި ކަފުޖަހައިގެން ގެނައީ" އޭނާ ބުންޏެވެ.
އަހުމަދު ހަސަން ހޮވި ހުދަންބަރު މާވަހަރު -- ފޮޓޯ: ރާއްޖެ.އެމްވީ
އަންނަ އަންގާރަ ދުވަހު މާވަހަރުގެ ސާމްޕަލްތައް މާލެ ފޮނުވަން މަސައްކަތް ކުރަމުންދާކަމަށް އޭނާ ބުންޏެވެ. އަދި މާވަހަރު ގަންނަން ބޭނުންވާ ފަރާތަކަށް އެ ވިއްކާނެކަމަށް ވެސް އޭނާ ބުންޏެވެ.
"މާލެއިން ވަރަށް މީހުން ގުޅާ އެބަ އެ ގަންނަން. ގަންނަން ބޭނުންވާ ބަޔަކަށް ވިއްކާނީ" އަހުމަދު މަނިކު ބުންޏެވެ.
އަހުމަދު މަނިކު ހޮވި ހުދަންބަރު މާވަހަރު -- ފޮޓޯ: ރާއްޖެ.އެމްވީ
ދުނިޔޭގެ ބާޒާރުގައި ހުދަންބަރު މާވަހަރެއް އުޅެނީ ގްރާމެއް ގާތްގަނޑަކަށް 35 ޑޮލަރަށެވެ. އެއީ ކިލޯގެ ގޮތުން ބަލާނަމަ ކިލޯއެއް 35،000 ޑޮލަރެވެ. އެހެންކަމުން 82 ކިލޯގެ މާވަހަރުގެ އަގަކީ ގާތްގަނޑަކަށް 2.9 މިލިއަން ޑޮލަރު އެވެ.
