ފިލިޕީންސްގެ ފައްޅިއަކަށް ހަމަލާދީ 27 މީހުން މަރާލައިފި
27 ޖެނުއަރީ 2019 | އާދީއްތަ 09:18ހަމަލާގެ ޒިންމާ އެއްވެސް ޖަމާއަތަކުން އަދި އުފުލާފައެއް ނުވޭ
ސިފައިން ވަނީ މި ހަމަލާގެ ރައްދުގައި ހަނގުރާމަވެރިންނަށް ވަގުތުން ހަަމަލާދީފައި | އީޕީއޭ
ފިލިޕީންސްގެ ދެކުނުގެ ސަރަހައްދެއްގެ ރޯމަން ކެތޮލިކް ފަޅިއަކަށ ދިން ބޮމުގެ ދެ ހަމަލާއެއްގައި 27 މީހުން މަރުވެ އެތައް ބަޔަކު ޒަޚަމްވެއްޖެ ކަމަށް އޮފިޝަލުން ބުނެފިއެވެ.
ހަނގުރާމެވެރިންގެ ހަރަކާތްތައް ގިނަ ޖޯލޯ އައިލްނޑްގައި ފުރަތަމަ ހަަމަލާދީފައި ވަނީ އާދީއްތަ ދުވަހު އަޅުކަމަށް މީހުން ޖަމާވެފައިވަނިކޮށެވެ.
ސިފައިން ވަނީ މި ހަމަލާގެ ރައްދުގައި ހަނގުރާމަވެރިންނަށް ވަގުތުން ހަަމަލާދީފައެވެ. ދެވަނަ ހަމަލާ ދީފައި ވަނީ ކާރު ޕާކިން ޒޯނެއްގައި އެއްޗެއް ގޮއްވާލައިގެންނެވެ.
މި ހަމަލާ އައިސްފައި ވަނީ މުސްލިމުންގެ އަޤުލަބިއްޔަތު ބޮޑު އެ ސަަރަހައްދުގައި ވަކި ސަރުކާރެއް ހިންގުމަށް އަޣުލަބިއްޔަތު މީހުން ވޯޓުދިން ދުވަހު ނޫން އަނެއް ދުވަހުއެވެ.
މި ހަމަލާގެ ޒިންމާ އެއްވެސް ޖަމާއަތަކުން އަދި އުފުލާފައެއް ނުވެއެެެވެ. ޖޯލޯ އައިލެންޑަކީ އަބޫ ސައްޔާފު ގްރޫޕް ފަދަ ހަނގުރާމަވެރި ޖަމާއަތްތަކުގެ މަރުކަޒެއްގެ ގޮތުގައި އޮޮންނަތާ އެތައް ދުވަހެއް ވެފައިވާ ތަނެކެވެ.
ޖޯލޯ އައިލެންޑްގެ އޮފިޝަލުން ބުނެފައި ވަނީ ފުރަތަމަ ހަމަލާ ދީފައި ވަނީ ފިލިޕީންސްގެ ގަޑިން 8:45 ގައި ފައްޅީގެ ތެރޭގައެވެ. ހަމަލާދިން ލޭޑީ މައުންޓް ކާމެލްއަކީ މީގެ ކުރިން ވެސް ހަމަލާ އަމާޒުވެފައިވާ ތަނެކެވެ.
ދެވަނަ ހަމަލާ ދީފައި ވަނީ ފުރަތަމަ ހަމަލާދިންތާ ގިނައިރުތަކެއް ނުވެ ފައްޅީގެ ދޮރުމަތީގައެވެ. ހަމަލާގައި ގިނައިން މަރުވަފައި ވަނީ އާންމުންނެވެ.
