އެއާޕޯޓްގައި އެކްސިޑެންޓެއް ހިނގައި މީހަކަށް އަނިޔާވެއްޖެ
25 ޖެނުއަރީ 2019 | ހުކުރު 16:43އެކްސިޑެންޓް ހިނގީ މޯލްޑިވިއަންގެ ވެހިކަލަކާއި ސައިކަލެއް ޖެހިގެން
އެއާޕޯޓްގައި މިއަދު ހިނގި އެކްސިޑެންޓް
ވެލާނާ އިންޓަނޭޝަނަލް އެއާޕޯޓްގައި އެކްސިޑެންޓެއް ހިނގައި މީހަކަށް އަނިޔާވެއްޖެއެވެ.
ފުލުހުން ބުނީ އެހާދިސާ ހިނގީ ވެލާނާ އިންޓަނޭޝަނަލް އެއާޕޯޓްގައި ދުއްވާފައިދިޔަ މޯލްޑިވިއަންގެ ވޭން އަކާއި ސައިކަލެއް ޖެހިގެންކަމަށެވެ. މިއެކްސިޑެންޓުގައި ހިމެނޭ ސައިކަލު ދުއްވަން އިނީ އުމުރުން 23 އަހަރުގެ ފިރިހެނއްކަމަށާ، އޭނާއަކީ އެއާޕޯޓްގައި މަސައްކަތް ކުރާ މުވައްޒަފެއްކަމަށް ފުލުހުން ބުންޏެވެ.
އެކްސިޑެންޓްގައި އަނިޔާވި ޒުވާނާއަށް ހުޅުމާލެ ހޮސްޕިޓަލްގައި ފަރުވާދީފައިވާކަމަށް މައުލޫމާތުލިބެއެވެ. ހުޅުމާލޭ ހޮސްޕިޓަލުން ބުނިގޮތުގައި އެމީހާގެ ކަކުލަށް ވަނީ އަނިޔާވެފައެވެ. އެހެންނަމަވެސް އޭނާގެ ހާލު ސީރިއަސް ނޫންކަމަށް ބުންޏެވެ.
އެހާދިސާ ފުލުހުންނަށް ރިޕޯޓްކޮށްފައި ވަނީ މިއަދުހެނދުނު 10:30 ހާއިރުކަމަށް ފުލުހުން ބުނެއެވެ.
